Երևան-Մոսկվա գնացքների երթևեկությունը հնարավոր է սկսվի առաջիկա երեք-հինգ տարիների ընթացքում. ՀԿԵ գլխավոր տնօրեն

Երևանի և Մոսկվայի միջև երկաթուղային ուղիղ հաղորդակցությունը հնարավոր է հաստատվի առաջիկա երեք-հինգ տարիների ընթացքում, ասաց ՀԿԵ գլխավոր տնօրեն Շևքեթ Շայդուլլինը:

Ռուսաստանի և Հայաստանի միջև երկաթուղային ուղիղ հաղորդակություն չի իրականացվում հայ-ադրբեջանական և վրաց-աբխազական բարդ հարաբերությունների պատճառով: Հայաստանի և Ռուսաստանի միջև վեգետնյա տրանսպորտի ուղիղ հաղորդակցություն հնարավոր է միայն Վրաստանի կամ Ադրբեջանի տարածքով:

«Դա երազանք է, և ինչն է հետաքրքիր՝ այն իրականանում է: Իհարկե, այսօր մենք ամենինչ անում ենք՝ պետության մակրոտնտեսական զարգացումը հաշվի առնելով»,- հինգշաբթի «Նովոստի» միջազգային մամուլի կենտրոնում ասաց նա:

Նաև Շայդուլլինն ընդգծեց, որ «դա կիրականացվի բավականին բարձր մակարդակով, մեր ենթակառուցվածքը, շարժակազմը նախապատրաստելով»:

Նշելով, որ այդ հարցն ավելի շուտ քաղաքական բնույթ է կրում, գլխավոր տնօրենը նաև ասաց, որ «ցանկացած քաղաքականություն որոշում է ղեկավարի պատրաստակամությունը, առաջին հերթին՝ տնտեսական բլոկի»:

«Հայկական երկաթուղիների» կոնցեսիոն կառավարումն իրականացնում է «ՀԿԵՈՒ» ՓԲԸ-ն՝ «Ռուսական երկաթուղիներ» ԲԲԸ հարյուրտոկոսանոց դուստրը: ՀԿԵՈՒ-ն իր բալանսում ընդունել ՀԵՈՒ շարժակակազմը 2008թ. հունիսի մեկից՝  «Հայկական երկաթունիներ» պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 10 տարի երկարացման իրավունքով 2008թ. փետրվարի 13-ի կոնցեսիոն պայմանագրին համապատասխան։--0--