Երևան-Բաթումի գնացքը կսկսի գործել մայիսի վերջից մինչև սեպտեմբերի կեսը ամեն օր

2010թ.-ին Երևան-Բաթումի գնացքը կսկսի երթևեկել մայիսի վերջից մինչև սեպտեմբերի կեսը, հայտնեց «Հարավկովկասյան երկաթուղի» ՓԲԸ գլխավոր տնօրեն Շևքեթ Շայդուլլինը:

«Որոշում է կայացվել 2010թ.-ի մայիսի 30-ից գնացքների երթևեկության նոր ժամանակացույցի կիրառման մասին»,- ասաց Շայդուլլինը:

«Գնացքների երթևեկության ժամանակացույցը մշակվել է ՀԿԵ հիմնական տեղամասերում մարդատար և բեռնատար գնացքների թույլատրելի արագության  բարձրացումը հաշվի առնելով»,- «Նովոստի» Միջազգային մամուլի կենտրոնում մամուլի ասուլիսի ժամանակ նշեց ՀԿԵ գլխավոր տնօրենը:

Ըստ Շայդուլլինի՝ երթևեկության ժամանակացույցում նախատեսված է Հայաստանի արագընթաց ֆիրմային գնացք Երևան-Բաթումի ուղղությամբ:

«Գնացքը կերթևեկի ամեն օր: SV ֆիրմային գնացքի շահագործումը կսկսվի ոչ թե հուլիսի 15-ից, ինչպես նախկինում, այլ ավելի քան մեկ ամիս շուտ, մասնավորապես,  որպեսզի ուղևորների համար հեշտ լինի ծրագրել իրենց ուղևորությունները»,- ասաց նա:

Բացի այդ, ինչպես նշեց Շայդուլլինը, որոշում է կայացվել գերակա համարել ոչ թե երթևեկության արագությունը, այլ ուղևորների հարմարավետությունը:

«Գնացքը Երևանից կշարժվի ժամը 14.10-ին, սահմանն անցնելու ժամն է 20.30-ը, իսկ Բաթումի ժամանմանը՝ 07.16-ը: Մենք կրճատել ենք ճանապարհի ժամանակը մեկ ժամ քսան րոպեով, Թբիլիսիի կանգառը՝ 50 րոպե»,- հայտնեց նա:

Նաև Շայդուլլինը պարզաբանեց, որ Երևան-Բաթումի երթուղով կերթևեկի նաև այլընտրանքային գնացք:

«Շաբաթը երկու անգամ կերթևեկի համապատասխան սովորական մարդատար գնացքը, որը կուղևորվի երեքշաբթի և ուրբաթ օրերին՝ ճանապարհվելով ժամը 23.20-ին և ժամանելով 17.00-ին: Ճանապարհի ընդհանուր ժամանակը կկազմի 18 ժամ 40 րոպե»,- ասաց նա:

Այդ կապակցությամբ ՀԿԵ ղեկավարը նշեց, որ սակագներում նույնպես կդիտվի որոշակի տարբերություն, ընդ որում մայիս-հունիս ամիսներին առկա բազային սակագնի նկատմամբ 1,2 գործակից կկիրառվի:

«SV ֆիրմային գնացքը մայիսին կարժենա 22490 դրամ՝ անցյալ տարվա 22895 դրամի փոխարեն, պլացքարտն իջեցվում է 914 դրամով, ազատ կուպեն՝ 963 դրամով»,- ասաց նա:

Ըստ Շայդուլլինի՝ հուլիս-օգոստոս ամիսներին Երևան-Բաթումի մարդատար երթևեկության  սակագինը կաճի, SV գնացքի տոմսը 23578 դրամ կարժենա, իսկ պլացքարտինը՝ 7557 դրամ:

«Հայկական երկաթուղիների» կոնցեսիոն կառավարումն իրականացնում է «ՀԿԵՈՒ» ՓԲԸ-ն՝ «Ռուսական երկաթուղիներ» ԲԲԸ հարյուրտոկոսանոց դուստրը: ՀԿԵՈՒ-ն իր բալանսում ընդունել ՀԵՈՒ շարժակակազմը 2008թ. հունիսի մեկից՝  «Հայկական երկաթունիներ» պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 10 տարի երկարացման իրավունքով 2008թ. փետրվարի 13-ի կոնցեսիոն պայմանագրին համապատասխան։--0--