ՀՐԱՏԱՊ. Հայաստանն առայժմ դուրս չի գալիս հայ-թուրքական հարաբերությունների կարգավորման գործընթացից. նախագահ

Հայաստանը վճռել է առայժմ դուրս չգալ գործընթացից, այլ միայն կասեցնել արձանագրությունների վավերացման ընթացակարգը, ասված է Հայաստանի նախագահ Սերժ Սարգսյանի՝ ժողովրդին հղած ուղերձում, որը հինգշաբթի նախագահի մամուլի ծառայությունից տրամադրվել է «Նովոստի-Արմենիա» գործակալությանը:

Ինչպես նշվում է ուղերձում, նախագահը նշում է, որ Թուրքիայի հետ սկսված գործընթացի ապագայի վերա­բեր­յալ քննարկումներ է անցկացրել և շարունակում է դրանք Ֆրանսիայի նախա­գահ Նիկոլա Սարկոզիի, ԱՄՆ նա­խագահ Բարաք Օբամայի, Ռուսաս­տանի նա­խագահ Դմիտրի Մեդվեդևի, ինչպես նաև եվրոպական մի շարք կառույցների գործ­ընկեր­ների հետ:

«Ես շնորհակալ եմ նրանց` մեր նա­խա­ձեռնությանը ցու­ցա­բերած օժան­դակու­թյան, գործ­ընթացին սա­տա­­­րելու և դրա առաջընթացին միտ­ված ջան­քերի հա­մար: Չեմ թաքցնում՝ մեր գործ­ըն­կեր­ները հորդորել են ինձ շա­րու­նակել գործընթացը, հորդորել են չկանգ­նեցնել այն», - ասաց Սարգսյանը:

«Հարգելով նրանց, նրանց ջանքերն ու անկեղծ ցանկություն­ները, կոա­լիցիոն գործընկերների հետ և Անվտանգության խորհրդում քննարկումներից հետո՝ մենք վճռել ենք առայժմ դուրս չգալ գործընթացից, այլ միայն կասեցնել արձանագրությունների վավերացման ընթացակարգը: Վստահ եմ` սա է պահան­ջում մեր ազգային շահը», - ասել է Սարգսյանը:

Հայաստանի և Թուրքիայի հարաբերությունները բավականին լարված էին մինչև վերջերս, երբ երկու երկրների արտգործնախարարները հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանան երկու երկրների խորհրդարանների կողմից:

Սակայն Թուրքիան ամեն կերպ արգելակում է գործընթացը՝ ստորագրման համար որպես նախապայման առաջարկելով ղարաբաղյան հակամարտության գործընթացում հայկական կողմի զիջումները:-0-