Դուդուկի արքա Ջիվան Գասպարյանը պատրաստ է մասնակցել Եվրատեսիլին
ԵՐԵՎԱՆ, 1 ապրիլի. /Նովոստի-Արմենիա/. Աշխարհահռչակ դուդուկահար Ջիվան Գասպարյանը հինգշաբթի լրագրողներին հայտնեց, որ պատրաստ է Եվա Ռիվասի հետ ներկայացնել Հայաստանը «Եվրատեսիլ-2010» մրցույթին՝ վերջնական պայմանավորվածության ձեռք բերման դեպքում։
«Ներկայումս քննարկվում է իմ մասնակցության հարցը Եվրատեսիսլին։ Ամեն ինչ կախված է երգչուհու և նրա թիմի որոշումից։ Մայիսի 22-ին ես պայմանագրով նախատեսված համերգ ունեմ Իտալիայում հայտնի կոմպոզիտոր Լուդվիգոյի հետ, այնուամենայնիվ, եթե իմ մասնակցությունն օգուտ կբերի երգչուհուն և իմ երկրին, ապա ես պատրաստ եմ մեկնել Նորվեգիա»,- ասաց Գասպարյանը։
Հայաստանում Եվրատեսիլ մրցույթի ազգային ընտրական փուլի ժամանակ SMS-քվեարկության և պրոֆեսիոնալ ժյուրիի ընտրության արդյունքում հաղթող է ճանաչվել Դոնի Ռոստովում բնակվող 22-ամյա երգչուհի Եվա Ռիվասը, ով ներկայացնում է «Apricot stone» երգը:--0--
