Հայաստանի բնակչության ավելի քանն 70%-ը գիրք չի կարդում. Գրողների միության ղեկավար
18.02.2010,
14:50
Հայաստանի բնակչության ավելի քանն 70%-ը գիրք չի կարդում. Գրողների միության ղեկավար
Հայաստանի բնակչության ավելի քան 70%-ը գիրք չի կարդում, իսկ վերջին 10-15 տարվա ընթացքում հանրապետությունում տպագրվող գրքերի, թերթերի ու ամսագրերի տպաքանակը նվազել է մի քանի անգամ, հինգշաբթի մամուլի ասուլիսի ժամանակ հայտարարեց Հայաստանի Գրողների միության նախագահ Լևոն Անանյանը:
«Կարելի է ասել, որ Հայաստանում հիմա գրքի ճգնաժամ է: Եվ դա դառնում է ռազմավարական խնդիր, քանի որ կիսագրագետ սերունդը չի կարող վաղը պետություն ղեկավարել»,- ասաց Անանյանը:
Նրա խոսքով, պետք է հասարակության մեջ գրքի դերը բարձրացնելու ազգային ռազմավարություն մշակել:
«Այս խնդրի լուծումը պետք է լինի յուրաքանչյուրի գործը, բոլոր պետական կառույցների, կրթական ու գիտական ինստիտուտների գործը»,- ասաց միության ղեկավարը:-0
Պատճենել հղումը
