Բազմաթիվ կեղծիքներ են արվել Էմմի և Միհրանի օգտին. թերթ
17.02.2010,
11:18
Բազմաթիվ կեղծիքներ են արվել Էմմի և Միհրանի օգտին. թերթ
Բազմաթիվ կեղծիքներ են արվել Եվրատեսիլ-2010-ի ազգային ընտրական փուլի մասնակիցներ Էմմիի և Միհրանի օգտին, գրում է «Հրապարակ» թերթը:
Ըստ թերթի՝ քվեարկությունից առաջ «ԱրմենՏելի» բազմաթիվ աշխատակիցների տրվել է Էմմիի օգտին անվճար sms-ներ ուղարկելու հնարավորություն:
Հիշեցնենք, որ Էմմիի մայրն ու պրոդյուսեր Նադեժդա Սարգսյանը քվեարկությունից անմիջապես հետո հայտարարել է, որ ընտրության արդյունքները կեղծվել են:
Սարգսյանի խոսքերով՝ քվեարկության ընթացքում այնպես է արվել, որ համակարգիչները «կախվել» են:
Ազգային ընտրական փուլի արդյունքներով՝ Օսլոյում Եվրատեսիլի ժամանակ Հայաստանը ներկայացնելու է Եվա Ռիվասը՝ «Apricot stone» երգով:-0-