Մանվել Գրիգորյանը վերընտրվել է «Երկրապահ» կամավորականների միության նախագահի պաշտոնում

ՀՀ պաշտպանության նախկին փոխնախարար Մանվել Գրիգորյանը երեքշաբթի կազմակերպության համագումարի ընթացքում միաձայն վերընտրվել է «Երկրապահ» կամավորականների միության վարչության նախագահի պաշտոնում:

Գրիգորյանը գլխավորում է «Երկրապահ» միությունը, որը 1999 թվականից միավորում է ղարաբաղյան պատերազմի վետերաններին:

«Երկրապահ կամավորականների միություն» հասարակական-քաղաքական կազմակերպությունը հիմնադրվել է 1993 թ.-ին: Այս պահի դրությամբ Միության կազմում ներառված են ավելի քան 10 հազար մարդ, որոնց մեծամասնությունը ղարաբաղյան պատերազմի վետերաններ են:

Մինչև 2008թ.-ի ապրիլը Գրիգորյանը զբաղեցրել է ՀՀ պաշտպանության փոխնախարարի պաշտոնը և ազատվել է պաշտոնից ՀՀ երկրորդ նախագահ Ռոբերտ Քոչարյանի հրամանագրով:

Երևանում 2008թ.-ի փետրվարին ընդդիմության կողմից անցկացվող հանրահավաքների ընթացքում ՀՀ առաջին նախագահ Լևոն Տեր-Պետրոսյանը հայտարարել է, որ Մանվել Գրիգորյանը ընդդիմության կողմն է անցել: Սակայն գեներալը հրապարակավ դա չի հաստատել, սակայն ազատվել է պաշտոնից ՀՀ նախագահ Ռոբերտ Քոչարյանի հրամանագրով:

2008թ. փետրվարի 20-ից Երևանի կենտրոնում, ՀՀ նախկին նախագահ Լևոն Տեր-Պետրոսյանի գլխավորությամբ, ընդդիմությունն անցկացնում էր հանրահավաքներ՝ բողոքելով փետրվարի 19-ի նախագահական ընտրությունների արդյունքների դեմ, որոնցում հաղթանակ էր տարել վարչապետ Սերժ Սարգսյանը։ Մարտի 1-2-ի բողոքի ցույցերը վերածվեցին անկարգությունների և ցուցարարների ու իրավապահ մարմինների միջև բախումների, որոնց հետևանքով զոհվեց տասը և վիրավորվեց 265 քաղաքացի։-0-