ԵԱՀԿ-ն համարժեք ուշադրություն չի դարձնում Հայաստանում ժողովրդավարության հետ կապված խնդիրներին. ընդդիմությունը

ԵԱՀԿ-ն համարժեք ուշադրություն չի դարձնում Հայաստանում ժողովրդավարության և մարդու իրավունքների հետ կապված խնդիրներին, լրագրողներին ասաց ընդդիմադիր Հայ ազգային կոնգրեսի ներկայացուցիչ Լևոն Զուրաբյանը ՀՀ առաջին նախագահ, ՀԱԿ-ի առաջնորդ Լևոն Տեր-Պետրոսյանի և ԵԱՀԿ գործող նախագահ, Ղազախստանի ԱԳ նախարար Կանատ Սաուդաբաջևի միջև տեղի ունեցած հանդիպումից հետո:

Զուրաբյանի խոսքերով, հանդիպման ընթացքում քննարկվել են հայ-թուրքական հարաբերություններին, ղարաբաղյան հարցին և Հայաստանում ժողովրդավարության և մարդու իրավունքների հետ կապված ԵԱՀԿ մոտեցումներին առնչվող հարցեր:

«Մենք մտահոգություն արտահայտեցին Ղարաբաղի և հայ-թուրքական հարաբերությունների շուրջ ընթացող բանակցությունների կապակցությամբ և լրջորեն շեշտադրեցինք Հայաստանում ժողովրդավարության և մարդու իրավունքների հետ կապված խնդիրները: Որքանով դա հաշվի կառնի ԵԱՀԿ-ն, ցույց կտա ժամանակը», - ասաց Զուրաբյանը՝ հույս հայտնելով, որ «հանդիպումից հետո մոտեցումները կուղղվեն»:

ԵԱՀԿ երևանյան գրասենյակի նախագահ Սերգեյ Կապինոսն իր հերթին պատասխանելով «Նովոստի-Արմենիա» գործակալության հարցին՝ նշեց, որ ԵԱՀԿ բյուրոն բավականաչափ ուշադրություն է դարձնում Հայաստանում ժողովրդավարության և մարդու իրավունքների հարցերին:

«Մենք ելնում ենք նրանից, որ իրականում այդ ոլորտի խնդիրները միայն համակարգված կարող են լուծվել», - ասաց Կապինոսը:

Նրա խոսքերով, առանց դատական համակարգի կատարելագործման և դատարանների անկախության նշաձողի բարձրացման այդքան էլ ճիշտ և իրական չի խոսել մարդու իրավունքների ապահովման մասին:

Նա նշեց, որ դա համալիր խնդիր է, և ԵԱՀԿ-ն համալիր և համակարգված է մոտենում այդ հարցին:

«Մենք նախագծեր ունենք Հայաստանում, և հասկանալի է, որ մեկ րոպեում և հապճեպորեն շատ փոքր ժամանակահատվածում անհնար է հասնել շատ մեծ արդյունքների: Դա գործընթաց է, շարժում: Կարևորը տեղում չմնալն է, այլ առաջ շարժվելը, և այդ շարժումը Հայաստանում առկա է», - ասաց Կապինոսը:-0-