Հայ-թուրքական հակամարտության կարգավորման հարցում Իրանի և Թուրքիայի շահերը համընկնում են. հայ փորձագետ

Հայ-թուրքական հակամարտության կարգավորման հարցում Իրանի և Թուրքիայի շահերը համընկնում են, կարծում է Երևանի պետական համալսարանի իրանագիտության ամբիոնի վարիչ Գառնիկ Ասատրյանը:

«Թեև Թուրքիայի և Իրանի միջև մեր տարածաշրջանում երկարատև մրցակցություն կա, սակայն հայ-թուրքական հարաբերությունների կարգավորման հարցում նրանց շահերը համընկնում են: Երկու երկրներին էլ տարածաշրջանում կայունություն է անհրաժեշտ», - երեքշաբթի Մամուլի ազգային ակումբում տեղի ունեցած մամուլի ասուլիսի ժամանակ ասաց փորձագետը:

Միաժամանակ Ասատրյանն ավելացրեց, որ Իրանն ու Թուրքիան ընդհանուր խնդիր ունեն՝ քրդական հարցը, և այս հարցի նկատմամբ երկու պետությունների վերաբերմունքը նույնն է:

«Քրդական հարցը վտանգ է ներկայացնում երկու պետությունների տարածքային ամբողջականության համար, և դա շփման կետ է երկու երկրների հարաբերություններում», - ասաց փորձագետը:

Հայաստանի ու Թուրքիայի արտգործնախարարները հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանան երկու երկրների խորհրդարանների կողմից”

Հայաստանի և Թուրքիայի միջև չկան դիվանագիտական հարաբերություններ, իսկ 1993-ից, պաշտոնական Անկարայի նախաձեռնությամբ, փակ է հայ-թուրքական սահմանը։

Երկու երկրների միջև բարդ հարաբերությունները պայմանավորված են մի շարք հանգամանքներով, որոնք կապված են, մասնավորապես, Անկարայի՝ ադրբեջանական դիրքորոշման պաշտպանությամբ ղարաբաղյան հարցում, ինչպես նաև Թուրքիայի սուր արձագանքի հետ 1915 թվականին Օսմանյան կայսրությունում Հայոց ցեղասպանության միջազգային ճանաչման հետ կապված։ -0-