Օբաման 40 մլն դոլար է պահանջել 2011 ֆիսկալային տարում Հայաստանին աջակցելու համար
ԱՄՆ նախագահ Բարաք Օբաման 40 մլն դոլար է պահանջել 2011 ֆիսկալային տարում Հայաստանին աջակցելու համար, տեղեկացնում է Ամերիկայի Հայկական Ազգային Կոմիտեն։
Հաղորդագրության համաձայն, սա 10 մլն դոլարով շատ է, քան 2010 ֆիսկալային տարում, բայց 1 մլն դոլարով քիչ նախորդ տարում Կոնգրեսի կողմից հատկացրած ընդհանուր գումարից։
ԱՄՆ նախագահն առաջարկել է նաև հավասարություն պահպանել Հայաստանի և Ադրբեջանի միջև Օտարերկրյա ռազմական ֆինանսավորման (FMF) շրջանակներում՝ յուրաքանչյուրի համար պահանջելով 3,5 միլիոն դոլար։
Ադրբեջանին աջակցելու նպատակով Օբաման պահանջել է 22,12 մլն դոլար։
«Մենք ողջունում ենք Օբամայի վարչակազմի՝ Հայաստանի տնտեսական աջակցության համար 10 մլն-ով ավելի պահանջելու որոշումը, քանի նախորդ տարում, ինչպես նաև նրա առաջարկը Հայաստանի և Ադրբեջանի միջև հավասարություն պահպանելու վերաբերյալ ռազմական աջակցության բնագավառում»,- ասել է ANCA գործադիր տնօրեն Արամ Աբրահամյանը։
Նա շնորհակալություն է հայտնում նաև կոնգրեսմեններ Ֆրենկ Պալոնեին, Ադամ Շիֆին, Աննա Էշոուին, Ջեքի Շփեյերին, Նիտա Լոուին իրենց ջանքերի համար՝ ուղղված ինչպես Հայաստանի աջակցության ավելացմանը, այնպես էլ ամերիկյան շահերի և արժեքների առաջխաղացմանը՝ աշխարհի ռազմավարապես կարևոր տարածաշրջանում։
Հաղորդագրության մեջ նշվում է, որ ANCA-ն կհամագործակցի Կոնգրեսի իր բոլոր կողմնակիցների հետ՝ Հայաստանին ցուցաբերվող օժանդակության մակարդակի բարձրացման նպատակով։ -0-
