ՀՀ ԱԳ նախարար Էդվարդ Նալբանդյանը Հարավային Կովկասում ԵՄ հատուկ ներկայացուցիչ Պիտեր Սեմնեբիի հետ հինգշաբթի ունեցած հանդիպման ժամանակ ասել է, որ հայկական կողմը շարունակելու է գործուն քայլեր ձեռնարկել ԵՄ-ի հետ հարաբերությունների առավել ամրապնդման ուղղությամբ:
Ինչպես հաղորդում է ՀՀ ԱԳՆ մամուլի ծառայությունը, կողմերը գոհունակությամբ նշել են, որ Հայաստան-Եվրոպական Միություն հարաբերությունները շարունակում են դինամիկ զարգանալ թե բազմակողմ, թե անդամ երկրների հետ երկկողմ ձևաչափերով:
Կողմերը մտքեր են փոխանակել Արևելյան գործընկերություն ծրագրի վերաբերյալ` կարևորելով ծրագրի ներուժի ամբողջական օգտագործումը` Ասոցիացման համաձայնագրի մշակումը, Ազատ առևտրի խորացված և համապարփակ համաձայնագրի կնքումը, մուտքի արտոնագրերի տրամադրման դյուրացումը:
Զրուցակիցներն անդրադարձել են նաև արցախյան հիմնախնդրի բանակցային գործընթացին:
Հանդիպմանը քննարկվել են նաև հայ-թուրքական հարաբերությունների կարգավորման վերջին զարգացումները: -0-
