Թուրքիայի վերաբերյալ Հայաստանի Սահմանադրական դատարանի որոշումը համահունչ է ՀՀ նախագահի հայտարարություններին. ԱԳՆ

Հայ-թուրքական արձանագրությունների վերաբերյալ Հայաստանի Սահմանադրական դատարանի կողմից ընդունված որոշումը համահունչ է հայտարարություններին, որոնք արվել էին ՀՀ նախագահի կողմից թե Հայաստանում, թե Սփյուռքի իր շրջագայության ընթացքում, թե հոկտեմբերի 10-ի իր ուղերձում, կիրակի «Ազատություն» ռադիակայանին տված հարցազրույցում հայտարարել է ՀՀ ԱԳ նախարար Էդվարդ Նալբանդյանը:

ՀՀ Սահմանադրական դատարանը հունվարի 12-ին հայ-թուրքական արձանագրություններում ամրագրված պարտավորությունները երկրի Մայր օրենքին համապատասխանող է ճանաչել, ինչից հետո փաստաթուղթը կներկայացվի խորհրդարանին:

Հայաստանի ու Թուրքիայի արտգործնախարարները 2009 թ.-ի հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»:

Նալբանդյանի խոսքերով՝ անհեթեթություն է խոսել այդ հարցի շուրջ մի շարք քաղաքական ուժերի կողմից Սահմանադրական Դատարանի վրա ճնշում գործադրելու մասին:

«Եթե որևէ մեկը լավ է զգում այդպիսի բաներ ասելուց, թող ասի: Բայց իրականությունը նա է, որ անհեթեթություն է խոսել Սահմանադրական Դատարանի վրա ճնշում գործադրելու մասին», - հայտարարել է Նալբանդյանը:

Հայաստանի և Թուրքիայի միջև չկան դիվանագիտական հարաբերություններ, իսկ 1993-ից, պաշտոնական Անկարայի նախաձեռնությամբ, փակ է հայ-թուրքական սահմանը։

Երկու եկրների միջև բարդ հարաբերությունները պայմանավորված են մի շարք հանգամանքներով, որոնք կապված են, մասնավորապես, Անկարայի՝ ադրբեջանական դիրքորոշման պաշտպանությամբ ղարաբաղյան հարցում, ինչպես նաև Թուրքիայի սուր արձագանքի հետ 1915 թվականին Օսմանյան կայսրությունում Հայոց ցեղասպանության միջազգային ճանաչման հետ կապված։ -0-