ՀՀ ոստիկանությունը դեկտեմբերին հետախուզման մեջ գտնվող 98 մարդ է հայտնաբերել

ՀՀ ոստիկանության տարբեր ստորաբաժանումների կողմից 2009 թ. դեկտեմբերին հայտնաբերվել է 98 հետախուզվող:

Ինչպես հաղորդվում է ոստիկանության օպերատիվ ամփոփագրում, հետախուզման մեջ գտնվողներից 1-ը հետախուզվում էր սպանության, 2-ը՝ դիտավորությամբ առողջությանը ծանր վնաս պատճառելու, 2-ը՝ ավազակության, 2-ը՝ կողոպուտի, 14-ը՝ գողության, 6-ը՝ խարդախության, 4-ը՝ խուլիգանության, 7-ը՝ թմրամիջոցների ապօրինի շրջանառությամբ զբաղելու, 2-ը՝ սեքսուալ բնույթի բռնի գործողություններ կատարելու համար:

Բացի այդ ինը մարդ հետախուզման մեջ էր գտնվում այլ երկրների կողմից։-0-