Հայ-թուրքական արձանագրությունների մասին ՍԴ-ի դրական որոշումը կախված է Հայաստանի ղեկավարության քաղաքական որոշումից, կարծում է ԼՂՀ նախագահի նախկին խորհրդական, Ազգային և ռազմավարական հետազոտությունների հայկական կենտրոնի ավագ փորձագետ Մանվել Սարգսյանը:
«Հայ-թուրքական արձանագրությունների շուրջ Սահմանադրական դատարանի դրական որոշումը կախված կլինի Հայաստանի ղեկավարության քաղաքական որոշումից, իսկ այդ արձանագրությունների մերժմանն ուղղված ընդդիմության՝ ի դեմս Դաշնակցություն կուսակցության, գործողությունները կարելի է համարել, համենայն դեպս, անլուրջ», - «Նովոստի-Արմենիա» գործակալությանը երեքշաբթի ասաց Սարգսյանը:
Հայաստանի Սահմանադրական դատարանը հայ-թուրքական արձանագրությունների քննարկումը սկսվել է հունվարի 12-ին։ Փաստաթղթի՝ Հայաստանի Սահմանադրությանը համապատասխան ճանաչելու դեպքում այն կներկայացվի խորհրդարանի վավերացմանը։ Դաշնակցությունը դեմ է հանդես գալիս արձանագրությունների վավերացմանը ՝ համարելով, որ դրանք հակասում են Հայաստանի ազգային շահերին։
Սարգսյանի խոսքերով՝ հունվարի 13-ին ՌԴ արտգործնախարար Սերգեյ Լավրովի այցը Հայաստան, հունվարի 13-ին Թուրքիայի վարչապետ Թայիպ Էրդողանի այցը Մոսկվա և փետրվարին պետքարտուղար Հիլարի Քլինթոնի՝ ԱՄՆ հայկական սփյուռքի ներկայացուցիչների հետ ծրագրված հանդիպումը խոսում են հայ-թուրքական արձանագրությունների առաջիկա վավերացման հնարավորության մասին:
«Ես կարծում եմ, որ շահագրգիռ բոլոր կողմերը կանեն հնարավոր ամեն ինչ, որպեսզի այդ արձանագրությունները շուտափույթ կերպով վավերացվեն, այդ պատճառով Հայաստանի Սահմանադրական դատարանի որոշումը կարտացոլի մեր ղեկավարության քաղաքական տրամադրվածությունը, որը ևս շահագրգռված է այդ գործընթացի ինտենսիվությամբ», - ընդգծեց փորձագետը:
Հայաստանի ու Թուրքիայի արտգործնախարարներ Էդվարդ Նալբանդյանն ու Ահմեդ Դավութօղլուն հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանան երկու երկրների խորհրդարանների կողմից:
Ներկայում Հայաստանի և Թուրքիայի միջև չկան դիվանագիտական հարաբերություններ, իսկ 1993-ից, պաշտոնական Անկարայի նախաձեռնությամբ, փակ է հայ-թուրքական սահմանը։ Երկու երկրի միջև բարդ հարաբերությունները պայմանավորված են մի շարք հանգամանքներով, որոնք կապված են, մասնավորապես, Անկարայի՝ ադրբեջանական դիրքորոշման պաշտպանությամբ ղարաբաղյան հարցում, ինչպես նաև Թուրքիայի սուր արձագանքի հետ 1915 թվականին Օսմանյան կայսրությունում Հայոց ցեղասպանության միջազգային ճանաչման հետ կապված։-0-
