Հայաստանի վարչապետը բժշկական պրոցեդուրաներ է անցել Իսպանիայում

ՀՀ կառավարության ղեկավար Տիգրան Սարգսյանը բժշկական պրոցեդուրաներ է անցել Իսպանիայում, երեքշաբթի «Նովոստի-Արմենիա» գործակալությանը ասաց ՀՀ կառավարության ղեկավարի օգնական Արամ Անանյանը:

«Վարչապետը գտնվում էր Իսպանիայում, որտեղ սովորական պրոցեդուրաներ է անցել: Նրա առողջական վիճակը լավ է», - ասաց Անանյանը՝ ավելացնելով, որ առավել մանրամասն տեղեկատվություն չունի:

Միաժամանակ նա ճշտեց, որ վարչապետն այժմ Հայաստանում է և երեկվանից աշխատանքի է անցել:

Վարչապետն ավելի վաղ լրագրողներին տեղեկացրել էր, որ հնարավոր է ամանորյա տոներից հետո երեք-չորս օրով լքի Հայաստանը՝ առողջության հետ ունեցած խնդիրների պատճառով բուժհետազոտություն անցնելու համար:-0-