Շաբաթ Երևանում տեղի կունենա «Օրինաց երկիր» կուսակցության համագումարը

Շաբաթ Կարեն Դեմիրճյանի անվ. մարզահամերգային համալիրում տեղի կունենա «Օրինաց երկիր» կոալիցիոն կուսակցության համագումարը, ուրբաթ խորհրդարանում ճեպազրույցի ընթացքում հայտնեց «Օրինաց երկիր» խորհրդարանական խմբակցության քարտուղար Խաչիկ Հարությունյանը:   

Նրա խոսքերով` համագումարի ընթացքում կամփոփվեն 2009 թ.-ի գործունեության արդյունքները, ինչպես նաև կկայանան կուսակցության նոր վարչության ընտրությունները:
 
«Նախատեսվում է նաև այն ծրագրի ներկայացումը, որով կուսակցությունը առաջնորդվելու է հաջորդող տարիներին»,- ասաց Հարությունյանը:

«Օրինաց երկիր» կուսակցությունը հիմնադրվել է 1997 թ.-ին: Տեղական ստորաբաժանումներ ունի երկրի բոլոր մարզերում, կուսակցության անդամների թիվը հասնում է 100 հազար մարդու: 2007 թ.-ի մարտի 12-ի խորհրդարանական ընտրությունների հետո «ՕԵ» խորհրդարանում ներկայացված է 8 պատգամավորով: ՀՀ խորհրդարանում կուսակցությունն ունի երեք նախարարական պորտֆել: Կուսակցության առաջնորդ Արթուր Բաղդասարյանը զբաղեցնում է ՀՀ Ազգային անվտանգության խորհրդի քարտուղարի պաշտոնը: -0-