ՀՀ նախագահը բարձր է գնահատում Հայաստանի և Ռուսաստանի միջև հետևողականորեն ամրապնդվող ռազմավարական գործընկերությունը
Նախագահ Սերժ Սարգսյանը ՌԴ Անվտանգության դաշնային ծառայության սահմանապահ կառույցի ղեկավարի տեղակալ, գեներալ-լեյտենանտ Վլադիմիր Ստրելցովի հետ հանդիպման ժամանակ բարձր է գնահատել Հայաստանի և Ռուսաստանի միջև հետեւողականորեն ամրապնդվող ռազմավարական գործընկերությունը:
«Նախագահ Սարգսյանը բարձր է գնահատել Հայաստանի և Ռուսաստանի միջև հետեւողականորեն ամրապնդվող ռազմավարական գործընկերությունը և կարեւորել է այդ ուղղությամբ ջանքերի շարունակումը»,- տեղեկացնում են երկրի ղեկավարի մամուլի ծառայությունից:
Հանրապետության նախագահը սահմանապահ ծառայությունը, Հայաստանի պետական սահմանի պահպանությունը համարել է մեր երկրի ազգային անվտանգության կարևոր բաղկացուցիչը և հայ-ռուսական դաշնակցային հարաբերությունների առանցքային տարրերից մեկը:
«Մենք գոհ ենք սահմանապահների գործունեությունից, մեր համատեղ աշխատանքից և նրանց պրոֆեսիոնալիզմից»,- ընդգծել է երկրի ղեկավարը և հավելել, որ սահմանապահների հետ ավանդաբար ձևավորվել են լավ հարաբերություններ և փոխըմբռնում, ինչը հնարավորություն է ընձեռում մշտապես օպերատիվ ու որակյալ լուծումներ տալ ծագող խնդիրներին:
Շնորհակալություն հայտնելով գնահատանքի խոսքերի համար` գեներալ-լեյտենանտ Ստրելցովն ասել է, որ իրենք ձգտում են բարեխղճորեն կատարել իրենց առջև դրված խնդիրները:-0-
