ՀՀ նախագահը վերընտրվել է ՀՀԿ նախագահի պաշտոնում

ՀՀ նախագահ Սերժ Սարգսյանը միաձայն վերընտրվել է Հայաստանի Հանրապետական կուսակցության նախագահի պաշտոնում շաբաթ օրը տեղի ունեցած կուսակցության 12-րդ համագումարի ժամանակ:

Ինչպես հաղորդում է «Նովոստի-Արմենիա» գործակալության թղթակիցը, քվեարկությանը մասնակցել է 1738 պատվիրակ: Վավերական է ճանաչվել 1669 քվեաթերթիկ:

Համագումարի պատվիրակներն ընտրել են նաև կուսակցության գործադիր մարմնին, որը մեջ ներառվել է 14 հոգի նախկին 12-ի փոխարեն, այդ թվում նաև ՀՀ վարչապետ Տիգրան Սարգսյանն ու Երևանի քաղաքապետ Գագիկ Բեգլարյանը:

ՀՀ վարչապետ Տիգրան Սարգսյանը մտել է ՀՀԿ շարքերը նոյեմբերի 16-ին: Բացի այդ, կուսակցությանն անդամագրվելու ցանկություն են հայտնել կառավարության մի շարք անդամներ, մասնավորապես՝ ՀՀ ֆինանսների նախարար Տիգրան Դավթյանը և ՀՀ էկոնոմիկայի նախարար Ներսես Երիցյանը, ինչպես նաև կառավարության աշխատակազմի ղեկավար Դավիթ Սարգսյանը:

ՀՀԿ-ն գրանցվել է 1991-ին։ 1990-97թթ. այն ղեկավարել է Աշոտ Նավասարդյանը։ 2000-2007թթ. կուսակցության վարչության նախագահ է դարձել կառավարության  նախկին ղեկավար Անդրանիկ Մարգարյանը, ով 2000 թ.-ից զբաղեցրել է ՀՀ վարչապետի պաշտոնը: Մարգարյանի մահվանից հետո ՀՀԿ-ն ղեկավարեց Սերժ Սարգսյանը։

ՀՀԿ-ն խորհրդարանում ունի 65 մանդատ, ՀՀ ԱԺ խոսնակ Հովիկ Աբրահամյանը ևս կուսակցության անդամ է: ՀՀ կառավարության նախարարների մեծամասնությունն իշխող կուսակցության անդամ է:-0-