Երևանի Անանիա Շիրակացու անվան վարժարանի աշակերտները հինգ օրով ազատվել են պարապմունքներին հաճախելուց` գրիպի սրմած պատճառով:
«Վարժարանում սեզոնային գրիպով հիվանդացության շեմը վերջին օրերին գերազանցել է 30 տոկոսը, այն դեպքում, երբ այն սովորաբար չի գերազացնում մի քանի տոկոսը», - «Նովոստի-Արմենիա» գործակալությանը ասաց վարժարանի տնօրեն Աշոտ Ալիխանյանը:
Նա նշեց, որ իր լիազորությունների շրջանակներում հինգ օրով ազատել է աշակերտներին պարապումներին հաճախելուց, որպեսզի հիվանդ երեխաները առողջանան և չվարակեն համադասարանցիներին:
«Մենք պատասխանատու ենք մեր աշակերտների անվտանգության համար, այդ պատճառով որոշել ենք նման միջոցառում ձեռնարկել», - նշեց Ալիխանյանը՝ ընդգծելով, որ որևէ կարանտինի մասին խոսք անգամ լինել չի կարող, և այս կապակցությամբ Առողջապահության նախարարությունից որևէ հանձնարարական չի ստացվել:
Վարժարանի տնօրենը տեղեկացրեց նաև, որ վարժարանի մանկավարժներն ու այլ աշխատակիցներն աշխատում են սովորական ռեժիմով:
«Մենք չենք կարող իմանալ՝ մեր աշակերտները հիվանդ են սեզոնայի՞ն, թե՞ այլ տեսակի գրիպով, սակայն համաճարակի հետ կապված հետագա խնդիրներից խուսափելու նպատակով մենք որոշել ենք ձեռնարկել կանխարգելիչ միջոցառումներ», - ավելացրեց նա:-0-
