ՀԱՊԿ գլխավոր քարտուղար Նիկոլայ Բորդյուժան պարգևատրվել է Հայաստանի Պատվո շքանշանով

Հավաքական անվտանգության պայմանագրի կազմակերպության գլխավոր քարտուղար Նիկոլայ Բորդյուժան պարգևատրվել է Հայաստանի Պատվո շքանշանով, «Նովոստի-Արմենիա» գործակալությանը հայտնեցին երկրի ղեկավարի մամուլի ծառայությունից:

Պարգևը երեքշաբթի ՀԱՊԿ գլխավոր քարտուղարին հանձնել է Հայաստանի նախագահ Սերժ Սարգսյանը՝ շնորհակալություն հայտնելով օպերատիվ և արդյունավետ աշխատանքի համար:

»Երախտագիտությամբ ընդունելով Հայաստանի պետական պարգևը` ՀԱՊԿ գլխավոր քարտուղարն ասել է, որ այն դիտարկում է որպես ավանս ու կանի ամեն ինչ, որպեսզի Կազմակերպության աշխատանքներն իրականացվեն ավելի ակտիվ, իսկ հարցերը լուծվեն ավելի օպերատիվ»,- ասվում է հաղորդագրությունում:

Նախագահը շնորհակալություն է հայտնել Բորդյուժային համատեղ լավ  աշխատանքի համար՝ գոհունակություն արտահայտելքով ՀԱՊԿ շրջանակում համագործակցության տեմպերի առումով և ընդգծել, որ վերջին ժամանակահատվածում արվել է լուրջ աշխատանք:

«Շատ հնարավոր է, որ սա առաջին շատ լավ նախադեպն է, երբ ընդունված, այսպես ասած, բանավոր որոշումը ոչ այնքան տևական ժամանակահատվածում դարձավ փաստաթուղթ, ստեղծվեցին Հավաքական անվտանգության արագ արձագանքման ուժերը և ոչ միայն ստեղծվեցին, այլև անցկացվեցին զորավարժություններ: Համոզված եմ, որ մոտակա ժամանակներում մենք կավարտենք նորմատիվ ակտերի փաթեթի մշակումը, և մեր կազմակերպությունը կդառնա անդամ երկրների անվտանգությունն առավել ապահովող կառույց»,-ասաց Հայաստանի նախագահը:--0--