Հայկական ընդդիմադիր թերթի խմբագիրը չի հասկանում իրեն ներկայացված մեղադրանքի էությունը

ԵՐԵՎԱՆ, 26 հոկտեմբերի. /Նովոստի-Արմենիա/. «Հայկական ժամանակ» ընդդիմադիր թերթի գլխավոր խմբագիր Նիկոլ Փաշինյանը, ով մեղադրվում է Զանգվածային անկարգություններին մասնակցելու և իշխանության ներկայացուցչի նկատմամբ բռնություն կիրառելու մեջ, չի հասկանում իրեն ներկայացված մեղադրանքի էությունը:

Երկուշաբթի սկսված դատական նիստի ժամանակ Փաշինյանը խնդրել է պարզաբանել իրեն ներկայացված մեղադրանքի էությունը:

«Հարգելի դատավոր, ինձ համար հասկանալի չէ ոչ մեղադրական եզրակացության փաստաթղթի բովանդակությունը, ոչ էլ ինձ ներկայացված մեղադրանքի էությունը: Խնդրում եմ պարզաբանեք, թե կոնկրետ ով և կոնկրետ ինչում է մեղադրվում: Մեղադրական եզրակացության մեջ նշված գործողությունների և անձանց ցանկն այն դարձնում են խեղաթյուրված և ոչ կոնկրետ», - ասել է Փաշինյանը:

Ի պատասխան իրավապաշտպան Լուսինե Սահակյանի այն հարցին, թե հասկանալի՞ է, արդյոք, իր պատշպանյալին այն, որ նա մեղադրվում է մեղադրական եզրակացության մեջ թվարկված գործողությունների կատարման մեջ, օրինակ՝ մարտի 1-ի զանգվածային անկարգությունների ժամանակ մարմնական վնասվածքների հետևանքով տասը անձանց մահվան մեջ՝ Փաշինյանն ասել է, որ իր համար անհասկանալի է մեղադրանքների էությունը:

Գործով դատավոր Մնացական Մարտիրոսյանն իր հերթին նշել է, որ մեղադրական եզրակացությունն ընթերցվել է նախորդ նիստի ժամանակ և խնդրել է դատապարտյալին ներկայացնել սեփական դիրքորոշումն այդ մեղադրանքի վերաբերյալ:

Փաշինյանն իր հերթին նշել է, որ նրա կողմից արված հայտարարությունը դիրքորոշում չէ մեղադրանքի վերաբերյալ:

«Ես երբեք չեմ կատարել քրեորեն պատժելի գործողություն կամ օրենքով արգելված որևէ այլ գործողություն: Խնդրում եմ պարզաբանել իմ մեղադրանքի էությունը», - ասել է նա:

Փաշինյանի նկատմամբ դատավարությունը սկսվել է երեքշաբթի Երևանի Կենտրոն և Նորք-Մարաշ վարչական տարածքների առաջին ատյանի դատարանում: Ընդդիմադիր թերթի խմբագիրը մեղադրվում է 2007 թ.-ի հոկտեմբերի 23-ին ոստիկանության աշխատակցի դեմ կյանքին վտանգ չներկայացնող բռնություն կիրառելու և մի խումբ անձանց հետ Երևանում 2008 թ.-ի մարտի 1-2-ին զանգվածային անկարգություններ կազմակերպելու մեջ:--0—