Հայ-թուրքական սահմանի բացումը ձևավորում է Հարավկովասյան երկաթուղու (ՀԿԵ) հիմնական խնդիրը՝ մուտք գործել Եվրոպա-Կովկաս-Ասիա տրանսպորտային միջանցքներ, ասաց «ՀԿԵ» ՓԲԸ-ի գլխավոր տնօրեն Շևքեթ Շայդուլլինը:
Հայաստանի ու Թուրքիայի արտգործնախարարները հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանան երկու երկրների խորհրդարանների կողմից
«Համապատասխան սահմանի բացումն ինձ համար՝ որպես երկաթուղայինի, Եվրոպա-Կովկաս-Ասիա տրանսպորտային միջանցքներ առավելագույն կերպով մուտք գործելն է», - ասաց նա չորեքշաբթի «Նովոստի» միջազգային մամուլի կենտրոնում:
Այս կապակցությամբ Շայդուլլինը պարզաբանեց, որ դա ոչ միայն կնպաստի Հայաստանի ներսում կամ ԱՊՀ-ի տարածքում ՀԿԵ-ի դիրքերին, այլև կապահովի լոգիստական շղթաների ձևավորմանը՝ Հայաստանի միջոցով տարանցում իրականացնելու նպատակով:
«Հայաստանի համար միջազգային տրանսպորտային բաղկացուցիչներում տարանցիկ օղակի համար պայքարը պետք է դառնա ինչպես պետության, այնպես էլ ՀԿԵ-ի գործունեության կարևոր օղակը», - ընդգծեց նա:
ՀԿԵ-ի ղեկավարը նաև ասաց, որ այսօր մշակվում է ՀԿԵ-ի մասնակցությամբ միջազգային լոգիստական կենտրոնի ձևավորման հարցը:
«Գլխավորը Հայաստանի և ինձ համար Եվրոպա-Կովկաս-Ասիա միջանցք ճիշտ մուտք գործելն է: Մենք ունենք ամեն ինչ, որպեսզի հետագայում տարանցման հաշվին կարողանանք նվազեցնել ներքին սակագնային բաղկացուցիչը», - ավելացրեց Շայդուլլինը:
Հայ-թուրքական սահմանը փակ է 1993 թ.-ից՝ պաշտոնական Անկարայի նախաձեռնությամբ, երկու երկրների միջև բացակայում են դիվանագիտական հարաբերությունները։
Թուրքիան մի շարք նախապայմաններ է առաջ քաշում՝ երկկողմ հարաբերությունների հաստատման համար, մասնավորապես, Հայաստանի կողմից Առաջին համաշխարհային պատերազմի տարիներին Օսմանյան կայսրությունում Հայոց ցեղասպանության միջազգային ճանաչումից հրաժարվելը, Հայաստանի կողմից Թուրքիայի սահմանների ճանաչումը։
Հարավկովկասյան երկաթուղիները (ՀԿԵ) «Ռուսական երկաթուղիներ» ԲԲԸ-ի հարյուրտոկոսանոց դուստր ընկերությունն է, որը ստեղծվել է հատուկ Հայկական երկաթուղիները կառավարելու համար։-0-
