Ուկրաինացի բասկետբոլիստուհին հանդես է գալու Երևանի «Հատիսի» կազմում

ԵՐԵՎԱՆ, 20 հոկտեմբերի. /Նովոստի-Արմենիա/. Ուկրաինացի բասկետբոլիստուհի Գաննա Զարիցկան հանդես կգա երևանյան «Հատիս» ակումբի կազմում, որը պատրաստվում է մասնակցել Եվրոպայի գավաթի առաջնությանը, երեքշաբթի «Նովոստի-Արմենիա» գործակալությանը հայտնեցին ՀՀ Բասկետբոլի ֆեդերացիայից:

Ինչպես ասվում է հաղորդագրության մեջ, 23-ամյա բասկետբոլիստուհին արդեն հասցրել է հանդես գալ մի շարք թիմերի կազմում:

Մասնավորապես, Զարիցկան, որի հասակը 182 սմ է, Ուկրաինայի տարբեր տարիքային հավաքականներում հանդես գալու փորձ ունի, իսկ անցյալ խաղաշրջանում հանդես է եկել Կիպրոսի АЕЛ թիմում: 

Զարիցկան խաղացել է նաև Ուկրաինայի չեմպիոն «Դնեպր» թիմում և լեհական «Լոտուսում»: Նախկին թիմերում նա հանդես է եկել նաև եվրոպական մրցաշարերում:  

Հաղորդագրության մեջ նշվում է, որ «Հատիս» թիմի կազմում վերջերս ընդգրկվել է ևս մեկ ուկրաինուհի՝ Աննա Պոկոևնան: Երկու մարզուհիներն էլ խաղում են որպես հարձակվող: -0-