ՀՀ խորհրդարանը խստացրել է վերահսկողությունը գողացված ավտոմեքենաների ներկրման հնարավորության նկատմամբ

ՀՀ ԱԺ պատգամավորները չորեքշաբթի երկրորդ և վերջնական ընթերցմամբ ընդունել են ՀՀ Մաքսային և Քաղաքացիական օրենսգրքերում փոփոխությունների փաթեթը, որոնցով խստացվում է երկիր գողացված ավտոմեքենաների ներկրման հնարավորության նկատմամբ վերահսկողությունը:

Ինչպես տեղեկացրեց ՀՀ արդարադատության նախարար Գևորգ Դանիելյանը, փոփոխությունները կօգնեն հակազդել հանրապետություն արտասահմանում գողացված ավտոմեքենաների ներկրմանը, պաշտպանել բարեխիղճ գնորդների և նախկին տերերի իրավունքները:

«Հարկ է նշել, որ Հայաստան գողացված մեքենաների ներկրման միտումը վերջին տարիներին կայունորեն նվազում է», - հայտարարեց նախարարը:

Մաքսային օրենսգրքում կատարվող փոփոխություններով նախատեսվում է Հայաստան արտասահմանում գողացված մեքենաների ներկրման դեմ պայքարի ոլորտում սահմանել պետական իշխանության մարմինների և մաքսային մարմինների համագործակցության հիմքերը, ինչպես նաև նման մեքենաների ներկրման մասին ՀՀ ոստիկանությանն իրազեկելու կարգը:

Քաղաքացիական օրենսգրքի փոփոխությունների համաձայն՝ առաջարկվում է հափշտակման նշաններով մեքենաների ներկրման օրից սահմանել երկամյա ժամկետ և համապատասխան հայտի ներկայացում Ինտերպոլ՝ գողացված ավոմեքենաների սեփականատերերի համար՝ նրանց կողմից  սեփականության վերադարձի մասին հայցի ներկայացման նպատակով:

Բացի այդ, փոփոխությունների համաձայն, Հայաստան հետախուզման մեջ գտնվող ավտոմեքենաների, ինչպես նաև շարժիչների կոտրված կամ ջնջված նույնականացման համարներով ավտոմեքենաների ներկրման դեպքում այդ տրանսպորտային միջոցները տեղափոխող անձինք կամ նրանց կողմից լիազորված անձինք պարտավոր են մաքսային մարմիններ ներկայացնել ժամանակավոր հայտարարագիր՝ վճարելով անհրաժեշտ բոլոր մաքսային տուրքերը:

Հայաստան 2008 թ.-ին ներկրվել է միջազգային հետախուզման մեջ գտնվող չորս մեքենա և կոտրված համարներով 14 մեքենա:-0-