Հայաստանն ու Հունաստանը կանոնավոր օդային հաղորդակցություն են հաստատում

Հայաստանի Սահմանադրական դատարանը երեքշաբթի նիստում երկրի Հիմնական օրենքին համապատասխան ճանաչեց Հայաստանի և Հունաստանի կառավարությունների միջև «Օդային հաղորդակցության մասին» համաձայնագրի դրույթները։

2009 թվականի հուլիսի 3-ին ստորագրված համաձայնագրի նպատակը երկու պետությունների տարբեր շրջանների միջև, ինչպես նաև այդ տարածքների սահմաններից դուրս օդային կանոնավոր հաղորդակցության հաստատումն է։

Հայաստանի քաղաքացիական ավիացիայի գլխավոր վարչությունը Սահմանադրական դատարան ներկայացրած փաստաթղթում նպատակահարմար է համարել տվյալ համաձայնագրի վավերացումը, իսկ հանրապետության Արդարադատության նախարարությունն իր հերթին տեղեկացրել է, որ Համաձայնագիրը չի հակասում Հայաստանի օրենսդրությանը և չի նախատեսում նոր օրենքների ընդունում կամ արդեն գոյություն ունեցող օրենքների ու  իրավական ակտերի վերափոխում։

Վերջին տվյալներով՝ հունական կողմն առայժմ չի իրազակել հայկական կողմին փաստաթղթի վավերացման բոլոր ներպետական ընթացակարգերի անցկացման մասին։ -0-