ԵՐԵՎԱՆ, 4 սեպտեմբերի. /Նովոստի-Արմենիա/. Հայաստանի 50 մասնավոր մանկապարտեզից ավելի քան 40-ն այսօր փակման եզրին է հարկային մեծ տուգանքների պատճառով, հայտարարեց Երևանի թիվ 53 մասնավոր մանկապարտեզի տնօրեն Վաչագան Մարդոյանը:
«Այսօր Հայաստանի ավելի քան 40 մանկապարտեզ, մասնավորապես Երևան քաղաքի թիվ 50, 53, 55, 18 և 60, գտնվում են փակման եզրին են համապատասխան արտոնագրի բացակայության պատճառով հանրապետության հարկային տեսչության կողմից ներկայացված մեծ հարկերի պատճառով»,- ուրբաթ մամուլի ասուլիսի ժամանակ հայտնեց Մարդոյանը:
Նրա խոսքերով, այս մանկապարտեզների ղեկավարությունները չգիտեին տուգանքի կիրառման մասին «Նախադպրոցական կրթության մասին արտոնագրի» բացակայության դեպքում, և այժմ այդ մանկապարտեզների ղեկավարություններն ի վիճակի չեն վճարել նման մեծ գումար:
Իր հերթին, 2002 թ.-ին Երևանում բացված «Էրատոս» մասնավոր մանկապարտեզի տնօրեն Էլեն Մարդոյանն ասաց, որ «տուգանքը չվճարելու պատճառով իր հաստատությունը նույնպես փակվելու սպառնալիքի տակ է գտնվում»:
«Մեր և մյուս տուժած մանկապարտեզների անունից կոչ եմ անում հանրապետության բարձրագույն ղեկավարությանը՝ ի դեմս նախագահի ու վարչապետի, արդարացի լուծում գտնել այս խնդրին>,- ասաց Մարդոյանը:
Նրա խոսքերով, ինքն այս խնդրանքով բազմաթիվ անգամ դիմել է Հարկային ծառայության ներկայացուցիչներին, որպեսզի տուգանքի չափը մեղմեն վճարման ժամկետները 6 ամսից երկարացնելով մինչև 3-5 տարի, սակայն բացասական պատասխան է ստացել:
Նախադպրոցական կրթության արտոնագրի մասին օրենքն ընդունվել է 2001 թ.-ին: 2006թ.-ին դրանում ուղղումներ են մտցվել: Մասնավորապես, նոր ուղղումների համաձայն, 23-րդ հոդվածն ասում է, որ համապատասխան արտոնագիր չունեցող հաստատությունները պարտավոր են որպես տուգանք վճարել եռամյա հարկի գումարի 50 տոկոսը: -0-
