ՀԿԵ միջպետական ուղևորափոխադրումները հուլիսին գերակատարվել են

2009 թ. հուլիսին Հարավ-կովկասյան երկաթուղու միջպետական ուղևորափոխադրումներն իրականացվել են 146,6%-ով, հաղորդում է ՀԿԵ լրատվական ծառայությունը՝ հղում անելով «ՀԿԵ» ՓԲԸ ուղևորափոխադրումների տնօրինությանը:

«Ուղևորափոխադրումների իրականացումը Երևան- Բաթումի չվերթով հուլիս ամսվա ընթացքում կազմել է 155,1% (5894 վաճառված տոմս՝ պլանավորած 3800-ի փոխարեն), Երևան-Թբիլիսի չվերթով՝ 126,3% (2021 վաճառված տոմս՝ պլանավորած 1600-ի փոխարեն)։Արդյունքում միջպետական ուղևորափոխադրումների գծով փաստացիորեն վաճառվել է 7915 տոմս՝ պլանավորած 5400-ի փոխարեն»,- ասվում է հաղորդագրության մեջ։

Նշված ժամանակահատվածում ուղևորահոսքը կազմել է 166,4% (4 127,0 ուղևոր/կմ՝ պլանավորած 2 479,6 ուղևոր/կմ փոխարեն):

«Հայկական երկաթուղիների» կոնցեսիոն կառավարումն իրականացնում է «ՀԿԵՈՒ» ՓԲԸ-ն՝ «Ռուսական երկաթուղիներ» ԲԲԸ հարյուրտոկոսանոց դուստրը: ՀԿԵՈՒ-ն իր բալանսում ընդունել ՀԵՈՒ շարժակակազմը 2008թ. հունիսի մեկից՝  «Հայկական երկաթունիներ» պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 10 տարի երկարացման իրավունքով 2008թ. փետրվարի 13-ի կոնցեսիոն պայմանագրին համապատասխան։--0--