Արոյանը, Լեկոն և Չեպարինովը շարունակում են գլխավորել Ջերմուկի շախմատային գերմրցաշարը
Հայ գրոսմայստեր Լևոն Արոնյանը, հունգարացի Պետեր Լեկոյի և բուլղարացի Իվան Չեպարինովի հետ երեք տուրից հետո շարունակում է գլխավորել Ջերմուկում անցկացվող ՖԻԴԵ-ի Գրան-Պրին, հայտնում է մրցաշարի պաշտոնական կայքը:
Երրորդ տուրում, Արոյանը սև խաղաքարերով ոչ-ոքի խաղաց Չեպարինովի հետ, իսկ Լեկոն միավորները կիսեց ուկրաինացի Վասիլի Իվանչուկի հետ: Սև խաղաքարերով ամերիկացի Գատա Կամսկու հետ ոչ-ոքի խաղաց մեկ այլ հայ գրոսմայստեր Վլադիմիր Հակոբյանը:
Ոչ-ոքի արդյունքներ են գրանցվել նաև Ռուստամ Կասիջանով /Ուզբեկստան/- Դմիտրի Յակովենկո /Ռուսաստան/, Բորիս Գելֆանդ /Իսրայել/- Էթյեն Բակրո /Ֆրանսիա/ և Պավել Էլյանով /Ուկրաինա/- Սերգեյ Կարյակին /Ուկրաինա/ պարտիաներում:
Միակ հաղթանակը տարել է Եվգենի Ալեքսեևը /Ռուսաստան/, ով սպիտակ խաղաքարերով պարտության է մատնել մեկ այլ ռուս շախմատիստ Էռնեստո Ինարկիևին:
Չորրորդ փուլում Արոնյանը սպիտակ խաղաքարարերով կխաղա Գատա Կամսկու, իսկ Հակոբյանը՝ Ռուստամ Կասիմջանովի հետ:
19-րդ կարգի մրցաշարը Ջերմուկում նվիրված է շախմատի աշխարհի 9-րդ չեմպիոն Տիգրան Պետրոսյանի 80-ամյակին:-0-