Հայաստանի ռազմական ինստիտուտները դարձել են բարձր որակավորում ունեցող մասնագետների պատրաստման կենտրոններ. նախագահ

Հայաստանի ռազմաուսումնական հաստատությունները դարձել են բարձր որակավորում ունեցող մասնագետների պատրաստման կենտրոններ, ասաց ՀՀ նախագահ Սերժ Սարգսյանը։

«Անկախ Հայաստանի առաջին ռազմաուսումնական հաստատությունները հիմնվել են կանոնավոր բանակի ձևավորման առաջին դժվարին օրերին, երբ ակտիվ ռազմական գործողություններ էին տարվում։ Այսօր մենք արդեն կարող ենք ասել, որ դրանք վերածվել են ռազմական արվեստի՝ հարուստ ուսումնատեխնիկական հնարավորություններ և փորձառու պրոֆեսորադասախոսական ու հրամանատարական կազմ ունեցող բարձր որակավորման մասնագետների նախապատրաստման կենտրոնների

«Մեր նորանկախ հանրապետության առաջին ռազմաուսումնական հաստատությունները հիմնադրվեցին կանոնավոր բանակ ձևավորելու դժվարին օրերին, երբ դեռ ընթանում էին ակտիվ ռազմական գործողություններ։ Այսօր արդեն կարող ենք ասել, որ բոլոր ռազմական կրթօջախներն էլ դարձել են ժամանակակից ռազմարվեստի հմուտ մասնագետների պատրաստման կենտրոններ, ունեն ուսումնատեխնիկական հարուստ հնարավորություններ և փորձառու դասախոսապրոֆեսորական և հրամանատարական կազմ»,- հինգշաբթի հայտարարեց նախագահը՝ ելույթ ունենալով Վազգեն Սարգսյանի անվան Ռազմական ինստիտուտի հիմնադրման 15-ամյակին նվիրված շքերթի ընթացքում։

Հայաստանի նախագահը հավաստիացրեց, որ այսօր, ինչպես և նախորդ տարիներին, բանակի զինումն ու արդիականացումը, համալրումը պրոֆեսիոնալ զինվորական կադրերով, սպաների և նրանց ընտանիքի անդամների սոցիալական պաշտպանությունը կշարունակեն մնալ Հայաստանի կառավարության և անձամբ իր գործունեության գերակայություններից։ «Այլ կերպ լինել չի կարող»,- հայտարարեց նախագահը։

«Այսօր մենք վկան ենք նշանակալի իրադարձության՝ Հայաստանի ռազմաուսումնական հաստատությունների այս տարվա ավարտական արարողությանը։ Մի քանի օր հետո այսօրվա շրջանավարտները սկսելու են սպայի դժվարին, բայց անչափ պատվաբեր իրենց կենսագրության առաջին էջը, համալրելու են նրանց կուռ շարքերը, ովքեր աներեր և պատվախնդրորեն կանգնած են ազգային-պետական գերակա խնդրի՝ Հայաստանի Հանրապետության սահմանների պաշտպանության և անվտանգության ապահովման առաջին գծում»,- հայտարարեց երկրի ղեկավարը։ -0-