Հայաստանում ակտիվորեն զարգանում են զբոսաշրջության այլընտրանքային տեսակները. ՀՀ էկոնոմիկայի նախարարություն
ԵՐԵՎԱՆ, 24 հուլիսի. /Նովոստի-Արմենիա/. Հայաստանում ակտիվորեն զարգանում են զբոսաշրջության այլընտրանքային տեսակները, ուրբաթ մամուլի ասուլիսի ժամանակ ասաց ՀՀ էկոնոմիկայի նախարարության Զբոսաշրջության և տարածքային տնտեսական զարգացման վարչության պետ Մեխակ Ապրեսյանը:
Նրա խոսքերով ՝Հայաստանում հիանալի պայմաններ կան առողջարանային հանգստի զբոսաշրջության զարգացման համար այնպիսի քաղաքներում, ինչպիսիք են Ջերմուկը, Դիլիջանն ու Արզնին:
«Ծրագրվում է Ջերմուկն ու Ծաղկաձորը վերածել ձմեռային զբոսաշրջության կենտրոնների», - ասաց Ապրեսյանը:
Խոսելով Ջերմուկը տարածքային զբոսաշրջային կենտրոնի վերածելու՝ ՀՀ կառավարության 2009-2012 թթ. ռազմավարության մասին՝ Ապրեսյանը նշեց, որ արդեն կոնկրետ ծրագրեր են մշակվել այդ ռազմավարության շրջանակներում, որոնք շուտով հավանության կարժանանան կառավարության կողմից:
«Մենք աշխատում ենք նաև արկածային զբոսաշրջության զարգացման ուղղությամբ՝ երիտասարդներին ներգրավելու նպատակով: Բացի այդ մենք ծրագրում ենք կազմակերպել երիտասարդական և մանկական ճամբարներ», - նշեց Զբոսաշրջության և տարածքային տնտեսական զարգացման վարչության պետը:
Նա նաև նշեց, որ Հայաստանում լավ պայմաններ կան էկոտուրիզմի զարգացման համար:ւ-0-