Ռուսաստանի աջակցությամբ Դիլիջանում միջազգային գիտակրթական և տեխնոլոգիական կենտրոն կհիմնադրվի
![Ռուսաստանի աջակցությամբ Դիլիջանում միջազգային գիտակրթական և տեխնոլոգիական կենտրոն կհիմնադրվի Ռուսաստանի աջակցությամբ Դիլիջանում միջազգային գիտակրթական և տեխնոլոգիական կենտրոն կհիմնադրվի](/upload/iblock/33c/st9jjttg5rawpu1btfvxdwpcw5wyhk9b.jpg)
ԵՐԵՎԱՆ, 23 հուլիսի. /Նովոստի-Արմենիա/. Հայաստանը և Ռուսաստանը համատեղ միջազգային գիտակրթական և տեխնոլոգիական կենտրոն կհիմնադրեն Դիլիջան քաղաքում։
Հայաստանի Հանրապետության էկոնոմիկայի նախարարության և Ռուսաստանի Դաշնության Դուբնայի միջուկային հետազոտությունների միացյալ ինստիտուտի միջև փոխըմբռնման հուշագիրը հավանության արժանացավ հինգշաբթի կառավարության նիստում։
Ինչպես հայտարարեց էկոնոմիկայի փոխնախարար Արա Պետրոսյանը, հուշագրով նախատեսվում են համագործակցության նպատակները և հիմնական ուղղությունները, համատեղ կրթական ծրագրեր։
Հուշագրի համաձայն՝ ռուսական և հայկական կողմերը պայմանավորվածություն են ձեռք բերում Դիլիջանում կենտրոն հիմադրելու վերաբերյալ երկու երկրների ներուժի ինտեգրման, գիտատեխնիկական նախագծերում համատեղ մասնակցության, նորարարական գործունեության զարգացման, կրթական ծրագրերի մշակման և Ռուսաստանի բուհերում բարձր որակավորում ունեցող հայ մասնագետների պատրաստման նպատակով։
Հուշագրին համապատասխան՝ կողմերը կհամագործակցեն այլընտրանքային էներգետիկայի, տեղեկատվական և նանոտեխնոլոգիաների, բժշկության ոլորտներում։ -0-