542.61
6.42
480.14
-9
Եղանակը Երևանում
Հայ

Զանգվածային անկարգությունների ժամանակ հատուկ նյութերի հետ վարվելու կանոնները Ոստիկանության կողմից խախտելու փաստով քրեական գործ է հարուցվել

19:09
17 Հուլիսի 2009

ՀՀ Հատուկ քննչական ծառայությունում 2008թ.-ի մարտի 1-2-ին Երևանում զանգվածային անկարգությունների ժամանակ հատուկ նյութերի հետ վարվելու և պաշտոնական լիազորությունները շահագործելու կանոնները Ոստիկանության կողմից խախտելու փաստով քրեական գործ է հարուցվել, ուրբաթ հայտնում է ՀՀ գլխավոր դատախազության մամուլի ծառայությունը:  

«2008 թվականի մարտի 1-2-ին Երևանում տեղի ունեցած զանգվածային անկարգությունների դեպքերի առթիվ ՀՀ հատուկ քննչական ծառայության վարույթում քննվող քրեական գործի նախաքննության օրինականության նկատմամբ հսկողություն իրականացնող դատախազ Կորյուն Փիլոյանը գրավոր ցուցում է տվել նախաքննական մարմնին՝ հարուցել քրեական գործեր ոստիկանների կողմից հատուկ միջոցների հետ վարվելու կանոնները խախտելու և պաշտոնական լիազորություններն անցնելու համար»,- ասվում է հաղորդագրության մեջ:

Ինչպես ասվում է մամուլի հաղորդագրության մեջ, 2008 թվականի մարտի 1-2-ին Երևանում տեղի ունեցած զանգվածային անկարգությունների դեպքերի առթիվ ՀՀ հատուկ քննչական ծառայության վարույթում քննվող քրեական գործի նախաքննության ընթացքում ձեռնարկված միջոցառումների, նշանակված փորձաքննությունների արդյունքում պարզվել է, որ անկարգությունների ժամանակ մահացած երեք և մարմնական վնասվածքներ ստացած երեք քաղաքացիների մարմիններից հանված օտար մարմինները հանդիսանում են «Չերյոմուխա-7»  տեսակի փամփուշտներից կրակված գազային նռնակներ և դրանց պլաստմասե խցաններ: Պարզվել են նաև այն ենթասպաների ինքնությունը, ովքեր դեպքի օրն օգտագործել են  նշված տեսակի կարաբինները:

Գլխավոր դատախազության հաղորդագրության մեջ նշվում է, որ ՌԴ ՆԳՆ «Հատուկ տեխնիկա և կապ» ԳՀՄ պետական ձեռնարկությունում անցկացված փորձաքննությամբ պարզվել է, որ «Չերյոմուխա-7» տեսակի փամփուշտների կիրառումը բաց տարածության մեջ չի արգելվում, արգելվում է անմիջապես մարդու վրա կրակը: Կրակը կարող է արձակվել իրավախախտների մոտ գտնվող տեղանքի կամ օբյեկտների վրա՝ հաշվի առնելով իրավախախտների վրա գազային ամպի տեղափոխումն ապահովող քամու ուղղությունը»,- ասվում է հաղորդագրության մեջ:

ՀՀ ոստիկանության ՓՔ վարչությունում անցկացված փորձաքննությամբ հիմնավորվել է, որ դիակներից և վիրավոր քաղաքացիների մարմիններից հանված «Չերյոմուխա-7» տեսակի փամփուշտների գազային նռնակների պլաստմասսե խցանների վրա կան կողմնակի հետքեր՝ դեֆորմացիաներ, պատռվածքներ, շփման և հպման հետքեր, որոնք առաջացել են պինդ մարմինների հետ բախման կամ արգելանյութի միջոցով անցնելու հետևանքով:

Նույն եզրակացությամբ արձանագրվել է նաև, որ պատին կամ այլ արգելքի բախվելուց հետո հետացատկի դեպքում /ինչպես նաև որևէ արգելքի միջով անցնելուց հետո/ «ՙՉերյոմուխա-7» տեսակի փամփուշտների գազային նռնակները՝ կախված բախման անկյունից և արգելանյութի հատկություններից, կարող են մարդուն անգամ մահացու վնասվածքներ պատճառել:

«Փաստորեն 2008թ. մարտի 1-ից 2-ն ընկած ժամանակահատվածում տեղի ունեցած զանգվածային անկարգությունների կանխման ընթացքում ՀՀ ոստիկանության զորքերի զինծառայողները խախտել են զենքի՝  հրազեն հանդիսացող ԿՍ-23 հատուկ միջոցների հետ վարվելու կանոնները, որի հետևանքով անզգուշությամբ երեք քաղաքացու մահ և ևս երեք քաղաքացու առողջությանը տարբեր ծանրության աստիճանի մարմնական վնասվածքներ են պատճառել: Այսպիսով, քրեական գործի նախաքննությամբ բացահայտվել են ՀՀ ոստիկանության զորքերի զինծառայողների կողմից կատարված հանցագործության դեպքեր, որի կապակցությամբ հարուցվել է քրեական գործ՝ ՀՀ  քրեական օրենսգրքի 373-րդ հոդվածի 1-ին, 2-րդ և 3-րդ մասերի հատկանիշներով»,- ասվում է հաղորդագրության մեջ:

Բացի այդ՝ քրեական գործի նախաքննության ընթացքում ՀՀ ԱԺ 2008թ. մարտի 1-2-ին Երևան քաղաքում տեղի ունեցած իրադարձությունների և դրանց պատճառների ուսումնասիրության ժամանակավոր հանձնաժողովը տրամադրել է 2008թ. մարտի 1-ին և 2-ին տեղի ունեցած դեպքերի վերաբերյալ տեսագրություններ պարունակող լազերային սկավառակ, որում վահաններով և մահակներով զինված ոստիկանության աշխատակիցները Հանրապետության հրապարակում վազում են քաղաքացիական հագուստով անձանց հետևից, այնուհետև հատուկ միջոց հանդիսացող ռետինե մահակներով հարվածում են անհայտ քաղաքացուն: Նույն տեսասկավառակում ոստիկանության աշխատակիցները երկու քաղաքացիական անձանց բերման ենթարկելիս և «Վազ 2121» մակնիշի սպիտակ գույնի ավտոմեքենան նստեցնելիս բռնություն են գործադրում նրանց նկատմամբ՝ձեռքերով և ոտքերով հարվածում վերջիններին:

«Այսինքն, պաշտոնատար անձ հանդիսացող ՀՀ ոստիկանության աշխատակիցները դիտավորությամբ կատարել են իրենց լիազորությունների շրջանակներից ակնհայտորեն դուրս եկող գործողություններ՝ զուգորդված բռնության և հատուկ միջոցների գործադրմամբ: Այսպիսով, քրեական գործի նախաքննությամբ բացահայտվել են ՀՀ ոստիկանության աշխատակիցների կողմից կատարված հանցագործության դեպքեր, որոնց հիման վրա հարուցվել է քրեական գործ՝ ՀՀ քրեական օրենսգրքի 309-րդ հոդվածի 2-րդ մասի հատկանիշներով: Հարուցված քրեական գործերը միացվել են 2008 թվականի մարտի 1-2-ին Երևանում տեղի ունեցած զանգվածային անկարգությունների դեպքերի առթիվ հարուցված քրեական գործին»,- ասվում է հաղորդագրության մեջ:

2008թ. փետրվարի 20-ից Երևանի կենտրոնում, ՀՀ նախկին նախագահ Լևոն Տեր-Պետրոսյանի գլխավորությամբ, ընդդիմությունն անցկացնում էր հանրահավաքներ՝ բողոքելով փետրվարի 19-ի նախագահական ընտրությունների արդյունքների դեմ, որոնցում հաղթանակ էր տարել վարչապետ Սերժ Սարգսյանը։ Մարտի 1-2-ի բողոքի ցույցերը վերածվել են անկարգությունների և ցուցարարների ու իրավապահ մարմինների միջև բախումների, որոնց հետևանքով զոհվել է տասը քաղաքացի և վիրավորվել 265-ը։-0-

Partners News
Partners News
ԱՌԿԱ գործակալություն
Բաժնի այլ նյութեր
11:52
29 Դեկտեմբերի 2021
Ամերիկացի կոնգրեսականը հետևելու է Արցախում Ադրբեջանի և Թուրքիայի կատարած հանցագործությունների պատշաճ քննությանը
Ամերիկացի կոնգրեսականը հետևելու է Արցախում Ադրբեջանի և Թուրքիայի կատարած հանցագործությունների պատշաճ քննությանը
21:48
28 Դեկտեմբերի 2021
Փաշինյանը Պուտինի և Ալիևի հետ քննարկել է համագործակցության հարցեր (ՎԻԴԵՈ)
Փաշինյանը Պուտինի և Ալիևի հետ քննարկել է համագործակցության հարցեր: ՎԻԴԵՈ
14:34
27 Դեկտեմբերի 2021
Քոչարյան. Հայաստանի իշխանություններն արդեն կատարել են Թուրքիայի առաջադրած երեք նախապայմանները հարաբերությունների կարգավորման համար
Քոչարյանը հայտարարեց Հայաստանի իշխանություններն արդեն կատարել են Թուրքիայի առաջադրած երեք նախապայմանները` ներկայացնելով դրանք
13:56
27 Դեկտեմբերի 2021
ԱԳՆ–ն հայտնել է Հայաստանի և Թուրքիայի ներկայացուցիչների հանդիպման հնարավոր վայրը
ԱԳՆ–ն հայտնել է Հայաստանի և Թուրքիայի ներկայացուցիչների հանդիպման հնարավոր վայրը
22:31
24 Դեկտեմբերի 2021
Փաշինյանն անդրադարձել է Բաքվին ԵԱՏՄ-ում դիտորդի կարգավիճակ տրամադրելու հարցին
Փաշինյանն անդրադարձել է Բաքվին ԵԱՏՄ-ում դիտորդի կարգավիճակ տրամադրելու հարցին
16:04
19 Դեկտեմբերի 2021
Հայտնի է Հայաստան-Թուրքիա երկխոսության գործընթացում Հայաստանի հատուկ ներկայացուցչի անունը
Հայտնի է Հայաստան-Թուրքիա երկխոսության գործընթացում Հայաստանի հատուկ ներկայացուցչի անունը
18:48
18 Դեկտեմբերի 2021
Սերժ Սարգսյանը վերընտրվեց ՀՀԿ նախագահ
Սերժ Սարգսյանը վերընտրվեց ՀՀԿ նախագահ
14:19
17 Դեկտեմբերի 2021
Հայ–թուրքական հարաբերությունների կարգավորում անհրաժեշտ է, բայց արդյունավետ չէ ոչ բովանդակային, ոչ ընտրված ժամանակի տեսանկյունից. Վանեցյան
Վանեցյանը մեկնաբանել է հայ–թուրքական հարաբերությունների կարգավորման հարցը
12:45
17 Դեկտեմբերի 2021
ԱԳՆ–ն մեկնաբանել է Ադրբեջանին ԵԱՏՄ դիտորդի կարգավիճակ տալու հարցը
ՀՀ ԱԳՆ–ն մեկնաբանել է Ադրբեջանին ԵԱՏՄ դիտորդի կարգավիճակ տալու հարցը
14:08
16 Դեկտեմբերի 2021
Հայաստանում թուրք դիվերսանտ է հայտնվել. Թևանյան (ՎԻԴԵՈ)
«Հայաստանում է հայտնվել թուրքական դիվերսանտ։ Ավելի կոնկրետ՝ նա Երևանում է, իսկ ավելի ստույգ՝ ԱԺ շենքում», – հայտարարել է Թևանյանը. ՎԻԴԵՈ
11:06
16 Դեկտեմբերի 2021
ԱԽ քարտուղար Արմեն Գրիգորյանն ԱՄՆ–ում հանդիպել է Բայդենի Ազգային անվտանգության հարցերով խորհրդականի հետ. ի՞նչ են քննարկել
Արմեն Գրիգորյանն ԱՄՆ–ում հանդիպել է Բայդենի Ազգային անվտանգության հարցերով խորհրդականի հետ. ի՞նչ են քննարկել
10:26
16 Դեկտեմբերի 2021
Փաշինյանն ու Ալիևը կրկին հանդիպել են
Փաշինյանն ու Ալիևը կրկին հանդիպել են