544.18
6.38
483.07
+4
Եղանակը Երևանում
Հայ

Հայաստանի խորհրդարանը համաներում հայտարարելու որոշում է կայացրել

17:36
19 Հունիսի 2009

Տեղեկատվություն է ավելացված

ԵՐԵՎԱՆ, 19 հունիսի. /Նովոստի-Արմենիա/. Հայաստանի Հանրապետության Ազգային ժողովը մայիսի 19-ին 98 «կողմ», երեք «դեմ» և երեք «ձեռնպահ» ձայնով  ընդունել է Սերժ Սարգսյանի՝ համաներում հայտարարելու առաջարկությունը:

Քվեարկության արդյունքը պատգամավորների բուռն ծափահարություններին է արժանացել:

Ինչպես հայտնեց ՀՀ Արդարադատության նախարար Գևորգ Դանիելյանը, խորհրդարանի այսօրվա նիստի արդյունքում համաներման մասին որոշման տեքստում առաջարկվել է ներմուծել մի շարք փոփոխություններ: 

Մասնավորապես, ՀՀ խորհրդարանի խոսնակ Հովիկ Աբրահամյանի առաջարկությամբ որոշում է ընդունվել կիսով չափ կրճատել Երևանում մարտի 1-2-ի դեպքերի առնչությամբ կատարված հանցագործությունների համար դատապարտված անձանց:  

Պատգամավորների առաջարկով որոշում է ընդունվել նաև 200 հոդվածը /կաշառք/ բացառել երկրի ՔՕ-ի այն հոդվածների թվից, որոնց վրա տարածվում է համաներումը: 

Հնարավոր խոսակցությունները կանխարգելելու համար խորհրդարանականները հստակեցրել են նաև հաշմանդամների վրա համաներում տարածելու կարգը: Պատգամավորների առաջարկով, համաներման տակ կընկնեն մինչև 2009թ.-ի հունիսի 1-ը հաշմանդամություն ստացած 1-ին և 2-րդ խմբի հաշմանդամները:

ՀՀ խորհրդարանը նախագահ Սերժ Սարգսյանի՝ համաներում հայտարարելու վերաբերյալ առաջարկի քննարկումը սկսել է ուրբաթ առավոտյան։

Նախագահն առաջարկել էր պատիժը կրելուց ամբողջովին ազատել առավելագույնը երեք տարի ժամկետով ազատությունից զրկելու հետ կապված պատիժների դատապարտված անձանց, այն անձանց, որոնց նկատմամբ պատիժը պայմանականորեն չի կիրառվել կամ պատժի կրումը հետաձգվել է, ինչպես նաև ազատությունից զրկելու հետ չկապված պատիժների դատապարտված անձանց:

ՀՀ նախագահի առաջարկության համաձայն՝ առաջարկվել է պատժից ազատել առաջին կամ երկրորդ խմբի հաշմանդամներին, 60 տարին լրացած անձանց, հանցագործությունը մինչև 18 տարին լրանալը կատարած անձանց, Հայրենական մեծ պատերազմին մասնակցած անձանց, այն անձանց, ովքեր ՀՀ պաշտպանության համար մղված մարտական գործողություններում զոհված, ինչպեu նաև ՀՀ oրենuդրությամբ uահմանված կարգով նրանց հավաuարեցված անձանց ամուuին, զավակ կամ ծնող են: Ինչպես նաև առաջարկվել է համաներումը տարածել 2008թ. մարտի 1-2-ը Երևանում քաղաքում տեղի ունեցած իրադարձությունների առնչությամբ հանցագործություն կատարած անձանց, որոնց հինգ տարի ազատազրկում է սպառնում: Առաջարկվել է պատժից ամբողջովին ազատել դիտավորյալ հանցագործություն կատարելու համար նախկինում չդատված անձանց, որոնք դատապարտվել են առավելագույնը հինգ տարի ժամկետով ազատազրկման և համաներման որոշումն ուժի մեջ մտնելու oրվա դրությամբ կրել են ոչ պակաu, քան նշանակված պատժի մեկ երրորդը, այն անձանց, որոնք առավելագույնը տաuը տարի ժամկետով ազատազրկման և համաներման որոշումն ուժի մեջ մտնելու oրվա դրությամբ կրել են ոչ պակաu, քան նշանակված պատժի կեuը:

Պատժից ազատվում են նաև անզգուշությամբ հանցագործություն կատարելու համար առավելագույնը հինգ տարի ժամկետով ազատազրկման դատապարտված անձինք, առավելագույնը տաuը տարի ժամկետով ազատազրկման դատապարտված և uույն որոշումն ուժի մեջ մտնելու oրվա դրությամբ ոչ պակաu, քան նշանակված պատժի մեկ երրորդը կրած անձանց:

Համաներման համաձայն՝ նաև առաջարկվել է օրենքով uահմանված կարգով նյութերով չհարուցել և քրեական հետապնդում չիրականացնել, ինչպես նաև կարճել այն անձանց կատարած հանցագործությունների վերաբերյալ հետաքննության մարմինների, նախաքննության  մարմինների կամ դատարանի վարույթում գտնվող` մինչև 2009 թվականի հունիuի 1-ը կատարած հանցագործություններով քրեական գործերը, որոնցով  անձինք մեղադրվում են կամ կարող են մեղադրվել այնպիuի հանցագործություններ կատարելու մեջ, որոնց համար նախատեuված է պատիժ ոչ ավելի, քան երեք տարի ժամկետով ազատազրկում, ինչպես նաև եթե այդ գործով անցնող անձինք հաշմանդամներ են, անչափահասներ կամ նրանց տարիքը գերազանցում է 60-ը, կամ եթե նրանք անցնում են մարտի 1-2-ի իրադարձությունների մասին գործով:

Առաջարկությունների համաձայն՝ առաջարկվում է պատժաչափի չկրած մաuը կրճատել երկու երրորդով անզգուշությամբ հանցագործություն կատարած անձանց նկատմամբ, կիuով չափ` առաջին կամ երկրորդ խմբի հաշմանդամների նկատմամբ, հանցագործությունը մինչև 18 տարին լրանալը կատարած անձանց, Հայրենական մեծ պատերազմի, Հայաuտանի Հանրապետության պաշտպանության համար մղված մարտական գործողությունների մաuնակցած անձանց:

2008թ. փետրվարի 20-ից Երևանի կենտրոնում, ՀՀ նախկին նախագահ Լևոն Տեր-Պետրոսյանի գլխավորությամբ, ընդդիմությունն անցկացնում էր հանրահավաքներ՝ բողոքելով փետրվարի 19-ի նախագահական ընտրությունների արդյունքների դեմ, որոնցում հաղթանակ էր տարել վարչապետ Սերժ Սարգսյանը։ Մարտի 1-2-ի բողոքի ցույցերը վերածվել են անկարգությունների և ցուցարարների ու իրավապահ մարմինների միջև բախումների, որոնց հետևանքով զոհվել է տասը քաղաքացի և վիրավորվել 265-ը։-0-

Partners News
Partners News
ԱՌԿԱ գործակալություն
Բաժնի այլ նյութեր
17:48
26 Նոյեմբերի 2021
Պուտինն ԱԽ խորհրդակցություն կանցկացնի Փաշինյանի և Ալիևի հետ հանդիպումից հետո
Պուտինն այսօր ԱԽ խորհրդակցություն կանցկացնի Փաշինյանի և Ալիևի հետ հանդիպումից հետո
14:14
26 Նոյեմբերի 2021
Փաշինյանն արդեն Սոչիում է. այսօր նախատեսված են հանդիպումներ Պուտինի և Ալիևի հետ (ՎԻԴԵՈ)
Փաշինյանն արդեն Սոչիում է. այսօր նախատեսված են հանդիպումներ Պուտինի և Ալիևի հետ.ՎԻԴԵՈ
16:16
25 Նոյեմբերի 2021
Հայաստանը դիմել է ՌԴ-ին հայ-թուրքական հարաբերությունների կարգավորմանը աջակցելու համար. Զախարովա
Զախարովան այսօր հայտնել է, որ Հայաստանը դիմել է ՌԴ-ին հայ-թուրքական հարաբերությունների կարգավորմանը աջակցելու համար
13:05
25 Նոյեմբերի 2021
Միրզոյանն ու Լավրովը հեռախոսազրույց են ունեցել
Միրզոյանն ու Լավրովը հեռախոսազրույց են ունեցել
21:11
24 Նոյեմբերի 2021
Պուտինը Եվրախորհրդի նախագահին հայտնել է` ինչ է քննարկելու Սոչիում Փաշինյանի և Ալիևի հետ հանդիպման ժամանակ
Պուտինը Եվրախորհրդի նախագահին հայտնել է` ինչ է քննարկելու Սոչիում Փաշինյանի և Ալիևի հետ հանդիպման ժամանակ
21:50
23 Նոյեմբերի 2021
«Կապրենք կտեսնենք». Փաշինյանը` «3+3» ձևաչափի մասին (ՎԻԴԵՈ)
Փաշինյանը ներկայացրել է Հայաստանի դիրքորոշումը «3+3» տարածաշրջանային համագործակցության ձևաչափում մասնակցության վերաբերյալ
21:18
23 Նոյեմբերի 2021
Փաշինյանը նշեց` ինչու նոյեմբերի 9–ին տեղի չի ունեցել Պուտինի և Ալիևի հետ հանդիպումը (ՎԻԴԵՈ)
Փաշինյանը նշեց` ինչու նոյեմբերի 9–ին տեղի չի ունեցել Պուտինի և Ալիևի հետ հանդիպումը.ՎԻԴԵՈ
16:21
23 Նոյեմբերի 2021
Պուտինը, Փաշինյանն ու Ալիևը բանակցություններ կանցկացնեն Սոչիում
Պուտինը, Փաշինյանն ու Ալիևը բանակցություններ կանցկացնեն Սոչիում
15:07
23 Նոյեմբերի 2021
Պապիկյանը ՌԴ դեսպանի հետ քննարկել է համագործակցությանն ու անվտանգությանն առնչվող հարցեր
Պապիկյանը ՌԴ դեսպանի հետ քննարկել է համագործակցությանն ու անվտանգությանն առնչվող հարցեր
13:09
23 Նոյեմբերի 2021
ԱԳՆ. ռուս գործընկերների հետ քննարկումների ընթացքում տեղեկացրել ենք, որ պատրաստ ենք Թուրքիայի հետ առանց նախապայմանների հարաբերությունների կարգավորմանը
ԱԳՆ–ից հայտնել են, որ ռուս գործընկերների հետ քննարկումների ընթացքում տեղեկացրել են, որ պատրաստ են Թուրքիայի հետ առանց նախապայմանների հարաբերությունների կարգավորմանը
19:01
22 Նոյեմբերի 2021
ՀՀ ԱԳՆ–ն մեկնաբանել է Փաշինյան–Պուտին–Ալիև հանդիպման լուրը.ԷՔՍԿԼՅՈւԶԻՎ
ՀՀ ԱԳՆ–ն մեկնաբանել է Փաշինյան–Պուտին–Ալիև հանդիպման լուրը.ԷՔՍԿԼՅՈւԶԻՎ
15:55
22 Նոյեմբերի 2021
Փաշինյանը Լուկաշենկոյի հետ քննարկել է հայ–ադրբեջանական սահմանին տիրող իրավիճակի կարգավորման ուղիները
Փաշինյանը Լուկաշենկոյի հետ քննարկել է հայ–ադրբեջանական սահմանին տիրող իրավիճակի կարգավորման ուղիները