«Ժառանգություն» ընդդիմադիր խմբակցությունը չի բացառում խորհրդարանում կոալիցիայից դուրս եկած ՀՅԴ-ի հետ համագործակցության հնարավորությունը, ասաց հայկական խորհրդարանի պատգամավոր, «Ժառանգություն» կուսակցության ներկայացուցիչ Ստեփան Սաֆարյանը:
«Դաշբակցությունն ու «Ժառանգությունը» կարող են համագործակցել ԱԺ-ում և լուծել համազգային խնդիրներ»,- երեքշաբթի նա ասաց լրագրողներին:
ՀՅԴ-ն, որը մտնում էր 2008թ. մարտի 21-ին ձևավորված իշխող կոալիցիայի մեջ, ապրիլի 27-ին դուրս եկավ կոալիցիայից՝ որպես հիմնական պատճառ նշելով տարակարծությունը Հայաստանի արտաքին քաղաքական ուղու վերաբերյալ:
Նրա խոսքերով՝ ընդդիմադիր ՀԱԿ-ը, «Ժառանգություն» կուսակցությունն ու ՀՅԴ-ն համագործակցության լավ հեռանկարներ ունեն:
««Ժառանգություն» կուսակցությունն ու ՀԱԿ-ը ընդհանուր շատ բան ունեն երկրում ժողովրդավարության, օրինականության և սահմանադրական կարգի վերականգնման գործում: Հարկ է նշել նաև «Ժառանության» ու ՀԱԿ-ի համագործակցության պատմությունը»,- ասաց Սաֆարյանը:
Հայ ազգային կոնգրեսը բաղկացած է շուրջ 2 տասնյակ ընդդիմադիր կուսակցություններից, որի առաջնորդը ՀՀ առաջին նախագահ Լևոն Տեր-Պետրոսյանն է: «Ժառանգություն» խմբակցությունը խորհրդարանում ներկայացված է 7 պատգամավորով:
Նրա խոսքերով՝ ակնհայտ է, որ կան ազգային խնդիրներ, որոնց շուրջ այս երեք ուժերը կարող են համախմբվել:
Ընդ որում Սաֆարյանը դժվարացավ ասել, թե ինչը կարող է ՀՅԴ-ի ու ՀԱԿ-ի համագործակցության հիմք ծառայել, «բայց այս եռանկյունու պայմաններում ՀՅԴ- «Ժառանգություն» և ՀԱԿ-«ժառանգություն» համագործակցության լուրջ հեռանկարներ ու հնարավորություններ կան»:
Նա նշեց նաև, որ «Ժառանգությունը» ՀԱԿ-ի հետ ունեցել է և ունի ընդհանուր ուղի՝ ներքին ժողովրդավարություն, օրինականություն հաստատելու գործում և այլ հարցերում: -0-
