Հայաստանի երիտասարդական քաղաքականությունը միտված է որոշումների ընդունման գործընթացում երիտասարդական ներուժի ներգրավմանը. նախարար
է ՀՀ կրթության և գիտության նախարար Արմեն Աշոտյանը:
«Երկրի հասարակական կյանքում երիտասարդների մասնակցության համար խթան պետք է հանդիսանա այն գիտակցումը, որ դու երկրի ապագա տերն ես, հետևաբար դրան պետք է մոտենաս պատասխանատվության մեծ զգացումով», - ընդգծել է նախարարը նախօրեին՝ Ֆինլանդիայի, Թուրքիայի, Լիտվայի, Վրաստանի, Հունաստանի և Լյուքսենբուրգի երիտասարդների հետ հանդիպման ընթացքում, որոնք Հայաստանի երիտասարդ կանանց ասոցիացիայի հրավերով գտնվում են Հայաստանում:
Հայաստանի երիտասարդ կանանց ասոցիացիայի նախագահ Լիլիթ Ասատրյանը տեղեկացրեց, որ կանանց և երիտասարդական կազմակերպությունների ներկայացուցիչները Հայաստանում են «Երիտասարդական մասնակցության ծրագրերի ընդլայնում» միջոցառման շրջանակում:
Այս միջոցառման նպատակը տարբեր երկրներում առկա դրական փորձի փոխանակման միջոցով քաղաքացիական հասարակության պայմաններում երիտասարդների մասնակցության առավել բարձր մակարդակ ապահովելն է:
« Մեր նպատակն էր հավաքի արդյունքում ձևավորել գործունեության ընդհանուր եզրեր և համընդհանուր ցանց` հետագա համագործակցության շարունակականության ապահովման համար», - ասել է Ասատրյանը:
Հանդիպման ավարտին երիտասարդները հարցեր ուղղեցին ԿԳ նախարարին, որոնք հիմնականում վերաբերում էին կրթական ոլորտում երկրների միջև ձևավորված համագործակցությանը, կրթաթոշակային ծրագրերով արտերկրում ուսումնառություն ստացած երիտասարդների հետագա գործունեությանը:-0-
