Երևանի «Գրքերի աշխարհ» սրահում կայացել է սիրային դետեկտիվի ժանրում գրված «Զևսի ոսկեբեր անձրևը» առաջին գրքի շնորհանդեսը։
«Դետեկտիվի ժանրը ինձ շատ հոգեհարազատ է, բայց քանի որ էությամբ ես ռոմանտիկ են, իմ առաջին գիրքը գրել են հենց սիրային դետեկտիվի ժանրում»,- ուրբաթ շնորհանդեսի ժամանակ ասաց գրքի երիտասարդ հեղինակ Տաթևիկ Ակունցը։
Հայաստանում առաջին անգամ այս ժանրում հրատարակված ստեղծագործության հեղինակն ընդամենը 21 տարեկան է։ Ակունցը մասնագիտությամբ տնտեսագետ է։ Երևանի պետական տնտեսագիտական համալսարանի ուսանող եղած ժամանակ գրել է իր առաջին պատմվածքները, որոնք հրատարակումից հետո կենդանի հետաքրքրություն են առաջ բերել ընթերցողի մոտ։
Գիրքը գրված է կենդանի, դինամիկ լեզվով։ Խորհրդավոր հանցագործության հանգույցը բացելու համար ընթերցողը գլխավոր հերոսուհու հետ Երևանից Փարիզ է ուղևորվում։
Թեպետ «Զևսի ոսկեբեր անձրևը» գրքի հեղինակը երբեք Ֆրանսիայի մայրաքաղաքում չի եղել, Փարիզի և այն վայրերի նկարագրությունը, որտեղ տեղի են ունենում իրադարձությունները, չափազաց ճշմարտացի են ու համոզիչ։
«Փողոցների անվանումները ես ճշտել եմ գրքերի միջոցով, ուսումնասիրել քաղաքի քարտեզը, ինչպես նաև խորհրդակցել մորաքրոջս հետ, ով շատ լավ ծանոթ է Փարիզին»,- խոստովանեց պատանի գրողը՝ նշելով, որ չի պատրաստվում սահմանափակվել մեկ գրքով։ -0-
