«Հարավկովկասյան երկաթուղի» ՓԲԸ ուղևորաշրջանառությունը 2009 թվականի հինգ ամիսների ընթացքում աճել է 46 տոկոսով և կազմել 272 հազար ուղևոր

«Ճիշտ սակագնային քաղաքականությունը և մերձքաղաքային տեղաշարժի  կազմակերպումը թույլ տվեց մեզ գրանցել 46-տոկոսանոց աճ»,- ասաց Շայդուլլինը։
 
Միաժամանակ նա նշեց, որ դրանցից 97 տոկոսը բաժին է ընկել տեղական փոխադրումներին՝ ավելացնելով, որ տվյալ ցուցանիշի հիմնական սեզոնային բարձրակետային աճն արձանագրվում է հուլիս-սեպտեմբերին։

Գլխավոր տնօրենի խոսքերով՝ եթե դիտարկվի ուղևորաշրջանառության կառուցվածքը Հայաստանի ընդհանուր օգտագործման տրանսպորտի ընդհանուր համակարգում, ապա երկաթուղային փոխադրումների աճը 2009 թվականի չորս ամիսների ընթացքում կազմել է 3,5 տոկոս։

«Նկատի առնելով այն, որ փոխադրումների կառուցվածքը Հայաստանում 90 տոկոսով կազմում են ավտոփոխադրումները, երկաթուղայինների համար գործունեության որոշակի դաշտ կա որակի բարձրացման, սպասարկման և նոր ծառայությունների մատուցման տեսանկյունից»,- ասաց Շայդուլլինը։

«Հայկական երկաթուղիների» կոնցեսիոն կառավարումն իրականացնում է «ՀԿԵՈՒ» ՓԲԸ-ն՝ «Ռուսական երկաթուղիներ» ԲԲԸ-ի հարյուրտոկոսանոց դուստրը։ ՀԿԵՈՒ-ն իր բալանսում ընդունել է ՀԵՈՒ շարժակազմը 2008թ. հունիսի մեկից՝  «Հայկական երկաթուղիներ» պետական ՓԲԸ-ն 30 տարի ժամկետով փոխանցելու, կողմերի փոխադարձ համաձայնությամբ ևս 10 տարի երկարացման իրավունքով, 2008թ. փետրվարի 13-ի կոնցեսիոն պայմանագրին համապատասխան։-0-