ԵՐԵՎԱՆ, 31 մայիսի. /Նովոստի-Արմենիա/. Հայ բռնցքամարտիկ Կորյուն Սողոմոնյանը շաբաթ օրը Երևանում անցկացվող բռնցքամարտի պատանիների աշխարհի առաջնության չեմպիոն է դարձել գերթեթև քաշային կարգում (մինչև 46 կգ)։ Վճռորոշ մենամարտում հայ բռնցքամարտիկը 10։4 հաշվով հաղթանակ է տարել Սանդիպի (Հնդկաստան) նկատմամբ։
Հայաստանը ներկայացնող մյուս երկու բռնցքամարտիկները եզրափակչում զիջել են իրենց մրցակիցներին և բավարարվել միայն արծաթե մեդալներով։ Ջոնիկ Տոնոյանը զիջել է կուբացի բռնցքամարտիկ Խունիոր Էռնեստո Վալդես Բոլերին, իսկ Հայկ Խաչատրյանը՝ Ջոզեֆ Վարդին (Հնդկաստան)։
Անհրաժեշտ է նշել նաև առաջնության ընթացքում Ռուսաստանի հավաքականի հիանալի ելույթը։ Եզրափակիչ դուրս եկած բոլոր հինգ ռուս բռնցքամարտիկները շաբաթ օրը հաղթանակ են տարել և նվաճել ոսկե մեդալներ։
Բռնցքամարտի պատանիների աշխարհի առաջնությանն անցկացվում էր Երևանում մայիսի 23-30-ը։ Առաջնությանը մասնակցում էր 42 երկիր՝ Ալժիրը, Ավստրալիան, Բելառուսը, Բուլղարիան, Չինաստանը, Թայվանը, Կիպրոսը, Կուբան, Դոմինիկյան Հանրապետությունը, Անգլիան, Էկվադորը, Ֆինլանդիան, Գերմանիան, Հունաստանը, Վրաստանը, Հունգարիան, Հնդկաստանը, Իրանը, Իռլանդիան, Իսրայելը, Ղազախստանը, Ղրղզստանը, Կորեան, Լատվիան, Լիտվան, Մոլդովան, Մոնտենեգրոն, Մարոկկոն, Լեհաստանը, Պուերտո-Ռիկոն, Խորվաթիան, Ռումինիան, Ռուսաստանը, Շվեդիան, Թայլանդը, Թուրքիան, Ուկրաինան, ԱՄՆ-ն, Ուզբեկստանը, Տաջիկստանը, Սերբիան և Հայաստանը: -0-
