«Նիգ-Ապարան» հայրենակցական միությունը Ապարան քաղաքում Առաջին հանրապետության օրվան և Սարդարապատի ու Բաշ-Ապարանի հաղթանակներին նվիրված մի շարք միջոցառումներ է կազմակերպում, երեքշաբթի մամուլի ասուլիսի ժամանակ հայտնեց «Նիգ-Ապարան» հայրենակցական միության փոխնախագահ Տիգրան Պետրոսյանցը։
«Մայիսյան հաղթանակների օրը Հայաստանում նշվում է արդեն 30 տարի՝ սկսած Խորհրդային միության գոյության վերջին տարիներից։ Այս տարի միջոցառումների շրչջանակներում ծաղկեպսակներ կդրվեն 1918 թ.-ի ազատագրական մարտերի հերոսների գերեզմաններին ու հուշարձաններին, կլինի համերգային ծրագիր և այլ տոնական միջոցառումներ»,- նշեց նա։
Խոսելով հայ ժողովրդի պատմության մեջ մայիսյան հաղթանակների նշանակության մասին՝ հայրենակցական միության փոխնախագահը նշեց, որ այդ հաղթանակները հայ ժողովրդին պետականություն են տվել 900 տարի առանց պետականության գոյատևելուց հետո։
«Մայիսյան հաղթանակներն անկախ պետականության հիմքն են դրել, որ մենք այսօր ունենք»,- ասաց Պետրոսյանցը։
Որպես հայ ժողովրդի այսօրվա խնդիր նա նշեց պետականության ամրապնդումն ու կայունացումը։
«Մենեք ուժեղ բանակ ու ազգային ոգի ունենք, և անհրաժեշտության դեպքում հայ ժողովուրդը դարձյալ պատրաստ է պաշտպանել իր պետականությունը՝ անկախ ներքաղաքական տրամադրություններից»,- հավելեց Պետրոսյանցը։
Մայիսի 28-ին Հայաստանում նշվում է Առաջին հանրապետության անկախության օրը։ Առաջին հանրապետությունը գոյատևել է 1918-ից մինչև 1920 թվականը։ 1918թ. մայիսի 26-ին, Անդրկովկասյան սեյմի անկումից և Վրաստանի անկախության հռչակումից հետո, Հայ հեղափոխական դաշնակցության շրջանային ժողովը Թբիլիսիի Հայկական ազգային խորհրդին հանձնեց կաառվարության լիազորությունները՝ ազգային կյանքի բոլոր ոլորտներում դիկտատուրայի իրավունքով։
Մայիսի 28-ին Հայկական ազգային խորհուրդը հայտարարեց Հայաստանի անկախությունը, իսկ մայիսի 29-ին ՀՅԴ Արևմտյան և Արևելյան բյուրոների նիստը անկախ Հայաստանի առաջին վարչապետ նշանակեց ճարտարապետ Հովհաննես Քաջազնունուն, իսկ Երևանն ընտրեց որպես նոր պետության մայրաքաղաք։ Հայկական անկախ պետականությունը գոյություն ունեցավ մինչև 1920թ. դեկտեմբերի 2-ը։
1918թ. մայիսին հայ ժողովուրդը թուրք զավթիչների նկատմամբ հերոսական հաղթանակ տարավ Սարդարապատի, Բաշ-Ապարանի և Ղարաքիլիսայի ճակատամարտերում։
1918թ. մայիսին հայ ժողովուրդը Սարդարապատում, Բաշ-Ապարանում (Ապարան) և Ղարաքիլիսայում (Վանաձոր) հերոսական հաղթանական տարավ թուրք զավթիչների նկատմամբ։
Այդ ժամանակահատվածում կանոնավոր զորքերի և կամավորների գլխավոր հրամանատարը ռուսական բանակի գեներալ-մայոր Մովսես Սիլիկյանն էր։ Սարդարապատի գլխավոր ճակատամարտում (մայիսի 21-28) մասնակցել են հայ ժողովրդի այնպիսի զավակներ, ինչպիսիք են ապագայում ՍՍՀՄ մարշալ Հովհաննես Բաղրամյանը։
1968թ. Սարդարապատի հերոսամարտի հերոսների հիշատակին Արմավիրի մարզում կառուցվեց հուշահամալիր։--0—
