ՀՀ ոստիկանությունը փակել է Իրանից թմրայութերի մատակարարման ճանապարհը
ԵՐԵՎԱՆ, 26 մայիսի. /Նովոստի-Արմենիա/. ՀՀ ոստիկանությունը փակել է Իրանից թմրայութերի մատակարարման ճանապարհը, տեղեցվում է Ոստիկանության օպերատիվ ամփոփագրում։
«Վահան» համալիր միջոցառման շրջանակներում մայիսի 23-ի երեկոյան ոստիկանության կազմակերպված հանցավորության դեմ պայքարի գլխավոր վարչության և Նոր Նորքի բաժնի աշխատակիցները ապօրինի թմրամիջոցներ պահելու կասկածանքով բերման են ենթարկել 49-ամյա Արթուր Հ.-ին, որը ոստիկանների պահանջով ներկայացրել է 2 պոլիէթիլենային տոպրակ՝ ափիոնանման մուգ շագանակագույն զանգվածով»,- ասվում է հաղորդագրությունում։
Պարզվել է, որ Արթուր Հ.-ն նշված թմրամիջոցը ձեռք է բերել մայիսի 13-ին Իրանի Իսլամական Հանրապետության Ջուլֆա քաղաքում ոմն Նասիրից և նույն օրը մաքսանենգ ճանապարհով տեղափոխել Հայաստան:
Ինչպես ասվում է հաղորդագրությունում՝ հայտնաբերվածն առգրավվել և ուղարկվել է փորձաքննության: Կատարվում է հետաքննություն: -0-
