Բռնցքամարտի աշխարհի պատանեկան առաջնությանը մասնակցելու համար Երևան են ժամանել Լատվիայի, Լիտվայի և Դոմինիկյան հանրապետության պատվիրակությունները

Մայիսի 20-ի առավոտյան Երևան ժամանեցին ևս երեք երկրի` Լատվիայի, Լիտվայի և Դոմինիկյան Հանրապետության բռնցքամարտի պատանեկան հավաքականները բռնցքամարտի աշխարհի պատանեկան առաջնությանը մասնակցելու համար, «Նովոստի-Արմենիա» գործակալությանը հայտնեցին ՀՀ բռնցքամարտի ֆեդերացիայի մամուլի ծառայությունից:

Լատվիայի մարզիկները հանդես կգան վեց քաշային կարգերում (50, 52, 54, 57, 90 և 70 կգ), լիտվացիները` ինը (46, 48, 54, 57, 60, 66, 75, 80 և +80 կգ) դոմինիկցիները` երեք (46, 50 և 60 կգ):

Չորեքշաբթի երեկոյան Հայաստան կժամանեն նաև Մարոկկոյի ու Ավստրալիայի պատանեկան հավաքականները:

Թուրքմենստանը, Մեքսիկան, Ուելսը, Արգենտինան պաշտոնապես հրաժարել են մասնակցել պատանեկան առաջնությանը։ Այժմ երեքշաբթի օրվա դրությամբ առաջնությանը կմասնակցի 49 երկիր։

Առաջնությանը մասնակցելու իրենց հայտերը հաստատել են Ավստրալիան, Բելառուսը, Հայաստանը, Չինաստանը, Կուբան, Անգլիան, Գերմանիան, Վրաստանը, Ռուսաստանը, Թուրքիան, Ուկրաինան, ԱՄՆ-ը։

Բացի Ղազախստանից, ևս յոթ երկիր՝ Հայաստանը, Թուրքիան, Ուկրաինան, Ռուսաստանը, Հունգարիան, Բելառուսը և ԱՄՆ-ը, պատրաստվում են բռնցքամարտիկներին ռինգ հանել բոլոր 13 քաշային կարգերում։ -0-