Սիրողական բռնցքամարտի համաշխարհային ընկերակցության (AIBA) ղեկավարությունը Հայաստանում կլինի բռնցքամարտի աշխարհի պատանիների առաջնության օրերին, որը կանցկացվի Երևանում մայիսի 23-30-ին, չորեքշաբթի «Նովոստի-Արմենիա» գործակալությանը հայտնեցին Հայաստանի Բռնցքամարտի ֆեդերացիայի մամուլի ծառայությունից։
«Առաջնության օրերին Երևան կժամանեն AIBA նախագահ Չինգ-Կուո Վուն, AIBA գործադիր տնօրեն Հո Կիմը, AIBA փոխնախագահ, Եվրոպայի կոնֆեդերացիայի նախագահ Ֆուրգոնի Հումբերտոն և AIBA -ի գործադիր փոխնախագահ Գոֆուր Ռախիմովը, ինչպես նաև ՌԴ բռնցքամարտի ֆեդերացիայի նախագահ Եվգենի Մուրովը»,- նշեց ՀԲՖ ներկայացուցիչը:
Այսօրվա դրությամբ համաշխարհային առաջնությանը մասնակցելու հայտ է ներկայացրել 51 երկիր՝ Ալժիր, Արգենտինա, Ավստրալիա, Բելառուս, Հայաստան, Բոթսվանա, Բուլղարիա, Չինաստան, Թայվան, Խորվաթիա, Կուբա, Չեխիա, Կիպրոս, Դոմինիկյան Հանրապետություն, Էկվադոր, Անգլիա, Ֆինլանդիա, Գերմանիա, Վրաստան, Գանա, Հունաստան, Հունգարիա, Հնդկաստան, Իրան, Իռլանդիա, Իսրայել, Ղազախստան, Ղրղզստան, Կորեա, Լատվիա, Լիտվա, Մարոկկո, Մոլդովա, Մոնղոլիա, Մոնտենեգրո, Նիգերիա, Լեհաստան,Պուերտո Ռիկո, Ռումինիա, Ռուսաստան, Սլովակիա, Շվեդիա, Թայլանդ, Թունիս, Թուրքիա, Թուրքմենստան, Ուկրաինա, ԱՄՆ, Ուզբեկստան, Վենեսուելա, Սերբիա:
Նշված երկրներից միայն 7-ն են` Հայաստանը, Թուրքիան, Ուկրաինան, Ռուսաստանը, Հունգարիան, Բելառուսը և Միացյալ Նահանգները, որ պատրաստվում են մրցագոտի դուրս գալ բոլոր 13 քաշային կարգերում էլ:
Թայլանդի, Չեխիայի, Անգլիայի, Բոթսվանայի, Մոնտենեգրոյի և Վենեսուելայի հավաքականները Երևան կժամանեն մեկական մարզիկով:-0-
