ՀՀ ԱԺ խոսնակ Հովիկ Աբրահամյանը Եվրոպական միջազգային շարժման գլխավոր քարտուղար Հենրիկ Կրոնենի հետ քննարկել է ԵՄ հետ համագործակցության նոր հեռանկարները, չորեքշաբթի «Նովոստի-Արմենիա» գործակալությանը հայտնեցին հայկական խորհրդարանի հասարակայնության հետ կապերի վարչությունից։
Զրույցի ընթացքում խորհրդարանի ղեկավարն իր զրուցակցի խնդրանքով ներկայացրեց եվրոպական ընտանիքում ինտեգրվելուն ուղղված Հայաստանի օրենսդիրների գործունեությունը:
Նա ընդդգծեց, որ Եվրոպական Միության վերջերս մեկնարկած «Արևելյան գործընկերություն» նախաձեռնությունը նոր հորիզոններ է բացում Եվրամիության հետ համագործակցության համար և Հայաստանն անպայման օգտվելու է ընձեռած բոլոր հնարավորություններից:
Կրոնենն իր հերթին Աբրահամյանին ներկայացրեց Եվրոպական միջազգային շարժման պատմությունը, խնդիրները և նպատակաները, ապա զրուցակիցներն անդրադարձան շարժման գործունեությանը Հայաստանում:-0-
