2007թ. դեկտեմբերին Հայաստանում ցուցադրվելու է «Ոչինչ չի մնա» նոր գեղարվեստական ֆիլմը
2007թ. դեկտեմբերին Հայաստանում ցուցադրվելու է «Ոչինչ չի մնա» նոր գեղարվեստական ֆիլմը։
Ինչպես հայտնեց ֆիլմի ռեժիսոր և պրոդյուսեր Հրաչ Քեշիշյանը, ֆիլմը նկարահանվել է անգլիացի դրամատուրգ Ջոն Օսբորնի «Բարկանալիս ետ նայիր» պիեսի հարմարեցված տարբերակի հիման վրա։
Ջոն Օսբորնի «Բարկանալիս ետ նայիր» պիեսը պատմում է անգլիական հետպատերազմյան երիտասարդության մասին, որը հակամարտության մեջ է մտնում ավանդական հասարակական արժեքների հետ։
Նրա խոսքերով, ֆիլմում գլխավոր դերերը կատարում են դերասաններ Խորեն Լևոնյանը (ԽՍՀՄ ժողովրդական արտիստ Խորեն Աբրահամյանի թոռը) և Նազենի Հովհաննիսյանը (հայտնի հաղորդավարուհի)։
«Սկզբում ֆիլմը ցուցադրվելու է երկրի կինոթատրոններում, իսկ հետո կթողարկվի ֆիլմի DVD տարբերակը»,-հայտնեց նա։
Ֆիլմի սցենարի հեղինակը Դավիթ Հարությունյանն է, իսկ ֆիլմի երաժշտությունը գրել է հայտնի երգիչ և երգահան Հայկոն։—0—
