Լեռնային Ղարաբաղի պաշտպանության նախարարությունը հերքել է Ղարաբաղի և Ադրբեջանի սահմանին փոխհրաձգության մասին հայտարարությունը
05.09.2007,
15:08
Լեռնային Ղարաբաղի պաշտպանության նախարարությունը հերքել է Ղարաբաղի և Ադրբեջանի սահմանին փոխհրաձգության մասին հայտարարությունը
ԼՂՀ պաշտպանության նախարարության մամուլի քարտուղար, փոխգնդապետ Սենոր Հասրաթյանը հերքել է ղարաբաղյան կողմից հրադադարի ռեժիմի խախտման մասին Ադրբեջանի տարածած տեղեկատվությունը։
«Այս տեղեկատվությունը չի համապատասխանում իրականությանը։ Ղարաբաղի պաշտպանության բանակն անվերապահորեն պահպանում է հրադադարի ռեժիմը», - ասաց Ս. Հասրաթյանը՝ «Նովոստի-Արմենիա» գործակալությանը։
Չորեքշաբթի ադրբեջանական ԶԼՄ-ները հայտարարեցին, որ, իբրև թե, Աղդամի և Ֆիզուլիի ուղղությամբ ադրբեջանական դիրքերի գնդակոծման հետևանքով զոհվել է Ադրբեջանի Զինված ուժերի երկու զինծառայող։
Ղարաբաղի պաշտպանության նախարարության մամուլի քարտուղարը ապատեղեկատվություն է անվանել նաև Ղարաբաղի զինծառայողների շրջանում կորուստների մասին՝ ադրբեջանական կողմից արված հայտարարությունը։-0-
Պատճենել հղումը
