«Կապրենք կտեսնենք». Փաշինյանը` «3+3» ձևաչափի մասին (ՎԻԴԵՈ)
21:50
23 Նոյեմբերի 2021
ԵՐԵՎԱՆ, 23 նոյեմբերի./Նովոստի–Արմենիա/. ՀՀ վարչապետ Նիկոլ Փաշինյանը Facebook–յան իր էջում ասուլիսի ժամանակ ներկայացրել է Հայաստանի դիրքորոշումը «3+3» տարածաշրջանային համագործակցության ձևաչափում մասնակցության վերաբերյալ։
«Նոյեմբերի 7–ին Հանրային հեռուստաընկերությանը տված հարցազրույցում ես հայտարարեցի, որ մեզ համար կա շատ կարևոր նրբություն։ Այն հարցերը, որոնց համար կան հաստատված ձևաչափեր, չեն քննարկվում «3+3»–ում։ 3+3»-ը չպետք է կրկնի գոյություն ունեցող ձևաչափերը: Օրինակ` Լեռնային Ղարաբաղի հարցի կարգավորումը, որի համար կա ԵԱՀԿ Մինսկի խմբի համանախագահության ձևաչափը. այդ հարցը «3+3» ձևաչափում չենք քննարկում: Մյուսը`տարածաշրջանային կոմունիկացիաների բացման համար եռակողմ հանձնաժողով ունենք ձևավորած. այդ հարցը ևս «3+3»-ում չպետք է քննարկվի», – ասաց Փաշինյանը:
Նրա խոսքով, պետք է քննարկվեն այնպիսի հարցեր, որոնք առանցքային հարցեր են և չեն կրկնում արդեն գոյություն ունեցող ձևաչափերում:
«Հնարավո՞ ր է այդպիսի հարցեր ձևակերպել` կապրենք կտեսնենք։ Կառավարության ծրագրում մենք կարևորել ենք տարածաշրջանային քաղաքականության ակտիվացման հարցը: Հայաստանի համար կարևոր են հարաբերությունները Ռուսաստանի, Եվրամիության, ԱՄՆ-ի հետ, սակայն, ցանկություն կա ավելի ակտիվացնելու տարածաշրջանային քաղաքականությունը։ Շատ կարևոր են մեր հարաբերությունները Վրաստանի հետ։ Եթե մենք տեսնենք, որ մեր հարաբերությունները ակտիվացնելու և պոզիտիվ օրակարգ ձևավորելու հնարավորություն կա, միգուցե և քննարկենք այդ հնարավորությունը», – ասաց Փաշինյանը։–0–
Լավրովը հայտարարել է, որ Հայաստանի ղեկավարությունը հորինված պատրվակներով, խեղաթյուրելով վերջին երեք-երեքուկես տարվա պատմությունը, միտումնավոր տանում է Ռուսաստանի Դաշնության հետ հարաբերությունների փլուզման
Փաշինյանը հայտարարել է, որ Հայաստանն ակնկալում է, որ Թուրքիայի հռետորաբանությունը նպատակաուղղված չի լինի տարածաշրջանային լարվածության ավելացմանը, այլ կնպաստի տարածաշրջանում երկխոսության ու համագործակցության խթանմանը
Փաշինյանը վրացի գործընկեր Իրակլի Կոբախիձեի հետ համատեղ հայտարարության ժամանակ հիշեցրել է հունվարին երկրների միջև ռազմավարական համագործակցության մասին ստորագրված հուշագրի մասին