Հրապարակվել են Փաշինյան–Միշել–Ալիև հանդիպման մեկնարկի կադրերը (ՎԻԴԵՈ)

ԵՐԵՎԱՆ, 31 օգոստոսի./Նովոստի–Արմենիա/. Հրապարակվել են Բրյուսելում ՀՀ վարչապետ Նիկոլ Փաշինյանի, Եվրոպայի խորհրդի նախագահ Շառլ Միշելի և Ադրբեջանի նախագահ Իլհամ Ալիևի հանդիպման մեկնարկի կադրերը։

Բրյուսելում եռակողմ հերթական հանդիպման մասին հայտնի դարձավ օգոստոսի 25-ին:

Բրյուսելում նույն ձևաչափով երեք հանդիպում արդեն իսկ կայացել է: Առաջին հանդիպումը տեղի է ունեցել 2021 թվականի դեկտեմբերի 14-ին, երկրորդը՝ 2022 թվականի ապրիլի 6-ին, երրորդը՝ 2022 թվականի մայիսի 23-ին։

Ավելի վաղ, ի պատասխան Ադրբեջանի նախագահի օգնական Հիքմեթ Հաջիևի հայտարարության, թե Բրյուսելում կայանալիք եռակողմ հանդիպմանը նախատեսում է համաձայնության գալ խաղաղ համաձայնագրի տեքստը պատրաստող խմբի ստեղծման շուրջ, Հայաստանի վարչապետի աշխատակազմից նշել են, որ հանդիպման ավարտին համապատասխան հաղորդագրություն կտարածվի։ -0-