ՀՀ ԱԳ նախարարը Մոսկվայում կհանդիպի Լավրովի և Զասի հետ

ԵՐԵՎԱՆ, 30 օգոստոսի./Նովոստի–Արմենիա/. ՀՀ ԱԳ նախարար Արարատ Միրզոյանը աշխատանքային այցով կմեկնի ՌԴ, հայտնում են ՀՀ ԱԳՆ–ից։ 

Օգոստոսի 30-ից 31-ը Հայաստանի ԱԳ նախարար Արարատ Միրզոյանը աշխատանքային այցով կգտնվի Ռուսաստանի Դաշնությունում: 

«Տեղի կունենա ԱԳ նախարար Արարատ Միրզոյանի հանդիպումը ՌԴ ԱԳ նախարար Սերգեյ Լավրովի հետ, որին կհաջորդի մամուլի ասուլիսը։ Այցի շրջանակներում նախատեսված է նաև հանդիպում ՀԱՊԿ Գլխավոր քարտուղար Ստանիսլավ Զասի հետ», – նշվում է գերատեսչության հաղորդագրության մեջ։

Միրզոյանը Մոսկվայում կքննարկի Ղարաբաղի հարցով եռակողմ պայմանավորվածությունները։ 

«Կքննարկվի Ռուսաստանի, Հայաստանի և Ադրբեջանի առաջնորդների` 2020թ.–ի նոյեմբերի 9–ի և 2021թ.–ի հունվարի 11–ի պայմանավորվածությունների իրականացման ընթացքը, այդ թվում` հումանիտար հարցերն ու Հարավային Կովկասում տնտեսական և տրանսպորտային կապերի ապաշրջափակումը», – նշվում է ՌԴ ԱԳՆ–ի տարածած հաղորդագրության մեջ, հաղորդում է ՏԱՍՍ–ը։–0–