ԵՄ–ն չարաշահում է Հայաստանի հետ հարաբերությունները. Լավրով

ԵՐԵՎԱՆ, 28 փետրվարի./Նովոստի–Արմենիա/. Եվրամիությունը չարաշահում է Հայաստանի հետ հարաբերությունները։ Այս մասին Բաքվում կայացած ճեպազրույցում հայտարարել է ՌԴ ԱԳ նախարար Սերգեյ Լավրովը։

«Մենք տեսնում ենք, թե ինչպես է ԵՄ-ն բացահայտորեն չարաշահում հարաբերությունները Հայաստանի, Ադրբեջանի հետ, այդ թվում՝ առաջ մղելով իր, այսպես կոչված, առաքելությունը Հայաստանի տարածքում, ինչը լուրջ կասկածներ է առաջացնում լեգիտիմության առումով, ինչը բազմաթիվ հարցեր է առաջացնում, այդ թվում՝ իր գործառույթների առումով, մանդատի, տևողության և այն հավելյալ արժեքի առումով, որն այդ առաքելությունը կարող է տալ Ադրբեջանի և Հայաստանի միջև հարաբերությունների կարգավորմանն ուղղված ջանքերին»,- ասել է Լավրովը։

Ինչպես ավելի վաղ ասել էր Ռուսաստանի փոխարտգործնախարար Միխայիլ Գալուզինը, Բրյուսելի որոշումը՝ «Հայաստանում այսպես կոչված ԵՄ քաղաքացիական առաքելությունը տեղակայելու մասին» ունի հստակ աշխարհաքաղաքական շարժառիթ, որը չի նպաստում Անդրկովկասում իրական կայունացմանը։

Եվրոպական միության խորհուրդը փետրվարի 20-ին հայտարարեց Հայաստանում ԵՄ քաղաքացիական առաքելության (EUMA) մեկնարկի մասին, որը երկամյա մանդատ ունի Անվտանգության և պաշտպանության համընդհանուր քաղաքականության (ՔՀԶԾ) շրջանակներում։–0–