411.29
6.53
395.05
+11
Եղանակը Երևանում
Հայ

ԱՄՆ Կոնգրեսում բանաձև է ներկայացվել. պահանջվում է Ադրբեջանի պատերազմական հանցագործությունների միջազգային հետաքննություն և ամերիկյան պատժամիջոցներ

15:52
27 Սեպտեմբերի 2022

ԵՐԵՎԱՆ, 27 սեպտեմբերի./Նովոստի–Արմենիա/. ԱՄՆ Կոնգրեսի Ներկայացուցիչների պալատի խոսնակ Նենսի Փելոսիի գլխավորած կոնգրեսական պատվիրակության Հայաստան կատարած այցից մեկ շաբաթ անց, պատվիրակության մաս կազմող, Կոնգրեսի հայկական հարցերով խմբի համանախագահ Ջեքի Սփիերը հանդես է եկել ադրբեջանական պատերազմական հանցագործությունները ինչպես Հայաստանում, այնպես էլ Արցախում դատապարտող օրենսդրական նախաձեռնությամբ՝ կոչ անելով կիրառել պատժամիջոցներ և դիմել միջազգային տրիբունալներին՝ համապատասխան հետաքննություններ անցկացնելու համար, հաղորդում է ՀՅԴ Բյուրոյի Հայ դատի կենտրոնական գրասենյակը։

Իր այս մտադրության մասին Սփիերն առաջին անգամ հրապարակայնորեն հայտարարել է նախորդ շաբաթ Հայ դատի Ամերիկայի հանձնախմբի դաշնային սեմինարի աշխատանքների շրջանակում՝ Արցախի Հանրապետության արտգործնախարար Դավիթ Բաբայանի և Արցախի Հանրապետության կրթության, գիտության, սպորտի և մշակույթի փոխնախարար Լեռնիկ Հովհաննիսյանի հետ հանդիպման ընթացքում։

«Պատերազմական հանցագործությունների համար պատժամիջոցներ կիրառելուց բացի, բանաձևը կոչ է անում հետաքննել Ադրբեջանի կողմից հայ ռազմագերիների անօրինական բանտարկության փաստը, դատապարտում է հայկական եկեղեցիների և պատմական հուշարձանների ոչնչացումը և համերաշխություն հայտնում Հայաստանի և Արցախի հանրապետությունների տարածքային ամբողջականությանը։ Կոնգրեսական Սփիերին միացել են Կոնգրեսի հայկական հարցերով խմբի համանախագահ Ֆրենկ Փալոնը, փոխնախագահ Ադամ Շիֆը և կոնգրեսական Աննա Էշուն», – նշվում է հաղորդագրության մեջ:

Մեկնաբանելով Սփիերի նախաձեռնությունը՝ Հայ դատի Ամերիկայի հանձնախմբի նախագահ Արամ Համբարյանը նկատել է. «Մենք ողջունում ենք կոնգրեսական Սփիրի պատերազմական հանցագործությունների վերաբերյալ բանաձևի ներկայացումը, որը զուգընթաց է Ադրբեջանի հարձակումները դատապարտող կոնգրեսական Շիֆի ներկայացրած բանաձևին։ Դրանք երկուսն էլ Կոնգրեսի երկկուսակցական հզոր աջակցության արտահայտություններ են «907-րդ բանաձևի» կիրարկմանը և Ադրբեջանին ամերիկյան ռազմական օժանդակության դադարեցմանը»։

Ինչպես վերը նշվեց, Սփիերի նախաձեռնությունը հաջորդում է Ադամ Շիֆի և Կոնգրեսի հայկական խմբի ղեկավարների կողմից շրջանառության մեջ դրված մեկ այլ՝ 1351 բանաձևի նախագծին։ Այն կոչ է անում անհապաղ դադարեցնել ԱՄՆ-ի օգնությունը Ադրբեջանին և դատապարտել ադրբեջանական հարձակումը Հայաստանի և Արցախի դեմ։ Բանաձևի նախագիծը ներկայումս ունի 44 կոնգրեսականի ստորագրություն:–0–

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
00:02
26 Նոյեմբերի 2022
Պուտինն առաջարկել է ԱԽ մասնակիցներին քննարկել ՀԱՊԿ երևանյան գագաթնաժողովը և նրա հանդիպումը Փաշինյանի հետ
Պուտինն առաջարկել է ԱԽ մասնակիցներին քննարկել ՀԱՊԿ երևանյան գագաթնաժողովը և նրա հանդիպումը Փաշինյանի հետ
12:17
25 Նոյեմբերի 2022
Այսօր ներկայացնելու եմ պատգամավորի մանդատից հրաժարվելու իմ դիմումը. Արամ Վարդևանյան
Արամ Վարդևանյանը հայտնել է, որ հրաժարվում է պատգամավորի մանդատից
16:13
21 Նոյեմբերի 2022
Հայաստանի և Ադրբեջանի միջև հակամարտությունը չի մտնում ՀԱՊԿ իրավասության մեջ. ՌԴ դաշնային խորհրդի փոխխոսնակ
ՌԴ դաշնային խորհրդի փոխխոսնակը հայտարարել է, որ Հայաստանի և Ադրբեջանի միջև հակամարտությունը չի մտնում ՀԱՊԿ իրավասության մեջ
22:14
11 Նոյեմբերի 2022
Փաշինյանը դրական է գնահատում Թուրքիայի նախագահի հետ հանդիպումն
Փաշինյանի խոսքով՝ եթե հաջողվի երրորդ երկրների քաղաքացիների համար բացել Հայաստան-Թուրքիա սահմանը, ապա դա շատ լուրջ առաջընթաց կլինի
12:51
11 Նոյեմբերի 2022
Փաշինյանը մեղադրել է Ալիևին Սոչիի համաձայնագիրը կոպտորեն խախտելու մեջ
Փաշինյանը մեղադրել է Ալիևին Սոչիի համաձայնագիրը կոպտորեն խախտելու մեջ
12:34
11 Նոյեմբերի 2022
ԱՄՆ-ն կաջակցի Ադրբեջանին Իրանի դեմ դիմակայության հարցում. Պետդեպ
Պետդեպի ներկայացուցիչը հայտարարել է, որ իրենց համար պարզ էր, որ Իրանը սպառնալիք է ներկայացնում տարածաշրջանի համար
14:29
04 Նոյեմբերի 2022
ԵՄ դիտորդական առաքելության ղեկավարն ԱԳ նախարարին է ներկայացրել առաջիկա աշխատանքները Հայաստանում (ՎԻԴԵՈ)
ԵՄ դիտորդական առաքելության ղեկավարն ԱԳ նախարարին է ներկայացրել առաջիկա աշխատանքները Հայաստանում. ՎԻԴԵՈ
13:38
04 Նոյեմբերի 2022
ՆԱՏՕ-ն աջակցում է Հայաստանի և Ադրբեջանի միջև հարաբերությունների կարգավորմանը. ՆԱՏՕ–ի գլխավոր քարտուղարի հատուկ ներկայացուցիչ
ԱՏՕ–ի գլխավոր քարտուղարի հատուկ ներկայացուցիչը հայտարարել է, որ ՆԱՏՕ-ն աջակցում է Հայաստանի և Ադրբեջանի միջև հարաբերությունների կարգավորմանը
15:55
02 Նոյեմբերի 2022
Հայաստանի այսօրվա իշխանությունն ամենապրոռուսականներից մեկն է. ԱԺ նախագահ
Ալեն Սիմոնյանի խոսքով, Հայաստանի այսօրվա իշխանությունն ամենապրոռուսականներից մեկն է
15:35
31 Հոկտեմբերի 2022
Հայաստանը շահագրգռված է ԱՄՆ-ի ավելի խորքային ներգրավմանը մեր երկրի անվտանգության զարգացման ապահովման հարցում. ԱԺ նախագահ
Ալեն Սիմոնյանը հայտարարել է, որ Հայաստանը շահագրգռված է ԱՄՆ-ի ավելի խորքային ներգրավմանը մեր երկրի անվտանգության զարգացման ապահովման հարցում